Berbera:Shaqaalaha Ajanabiga ah ee dhismayaasha ka shaqeeya oo dhaawacyo loo gaystay
Isniin, July, 01, 2019 (HOL)-Illaa shan qof oo Shaqaale Ajanabi ah ayaa magaaladda Berbera dhaawacyo loo gaystay ka dib markii dad diidan shaqaalaha Ajanabiga ah dhagaxaan ku weerareen goobo ay ka shaqaynayeen.
Shaqaalahan ajanabiga ayaa ka
hawlgalla dekadda la dhisayo ee Berbera, madaarka la dhisayo ee Berbera iyo
dhismayaasha shacabka ee magaaladda dhexdeedda, waxaanay arrintaasi keentay
inay ka hadlaan shaqaalaha Rayidka ah oo ku eedeeyey inay shirkaduhu
keensanayaan dad Ajanabi ah.
“Aroortii waan soo kalahaa oo
dekadda imaada waa la ii diida, waan ka noqdaa oo madaarka oo la dhisayo tagaan
waan ku soo hungoobaa, hadana waxaan ku soo noqday magaalada dhexdeedii oo ay
dhisayaan dad Ajanabi ah, marka waa in dawladu wax ka qabataa”ayuu yidhi mid ka
mid ah muruqmaalka reer Berbera.
Marar kala duwan ayey shaqaalaha
muwaadiniinta ahi ku dhawaaqeen in cabashadooda hoos loo eego oo magaalada laga
joojiyo dadka Ajanabiga ah ee shaqooyinkii ay qaban karayeen qabta.
shaqaalaha la weeraray oo isugu
jira Hindi iyo Bangalidesh ayaa ka shaqaynaayay guri Fooq ah oo Ganacsade ka
dhisanayo magaalada Berbera,waxaana qandaraas ku qaadatay shirkad dhismayaasha
guryaha oo iyadu keensatay dad Ajanabi ah oo guryaha u dhisa.
Shaqaalahan Ajanabiga ahi shaqada
loo dirayo oo ah kuwo hooseeya ee ay qaban karaan muwaadiniintu, haseyeshee
shirkadaha wax dhisaya waxay door bidayaan inay qiimo jaban ku keensadaan
shaqaale dibada laga keensado.
Shaqaalaha Ajanibka ah ee
dhawaacyada kala duwani soo gaadheen oo ka kooban shan ruux ah ayaa kala ah Hindi,
Bangaldesh Iyo Carab, kuwaas oo lagu dawaynayo Cisbataalka guud ee Berbera.
Barkhad-ladiif M. Cumar, Hiiraan Online
[email protected]
Hargeysa, Somaliland.