Dowladda Kenya oo xir xirtay dhalinyaro loo qorayay in ay ka mid noqdaan Al-shabaab
Talaado, Janaayo, 29, 2019 (HOL)- Saraakiisha
dowladda Kenya ayaa faah faahin dheeraad ah ka bixiyay xarigga dhalinyaro sida
ay sheegeen loo qorayay ka mid noqoshada Ururka Al-shabaab ee ka dagaalama
gudaha dalka Soomaaliya.
Saraakiisha Booliiska ayaa sheegay in dhalinyaradda la qabtay ay isugu jiraan rag
iyo dumar, islamarkaana ay ku howlanaayeen abaabul ay doonaayeen in ay ku
biiraan dagaalyahanada Al-shabaab.
Saraakiishu waxaa ay sheegeen in dhalinyarradan laga soo qabtay deegaanno badan gaar ahaan gobolka Waqooyi Bari ee dalka
Kenya.
Dhalinyarradan ayaa la qabtay iyaga oo ku biiraya
Ururka Al-shabaab ayeey sheegeen saraakiishu in ay ahaayeen kuwo wax bartay,
islamarkaana ay soo foodsaartay shaqo la’aan baahsan.
Waxaa ay sidoo kale sheegeen in ay ku raajooggaan
xubno la aaminsan yahay in ay qaabilsan yihiin qorista dhalinyaradda ku
biireysa Al-shabaab.
Kenya ayaa la daalaa-dhaceysa dagaal ay kula
jirto Ururka Al-shabaab oo marar badan oo xig xigtay weerarro ka geystay qeybo
badan oo ka mid ah dalka, gaar ahaan magaalada Nairobi.
C/raxmaan Diini,
Hiiraan Online
[email protected]