3/28/2024
Today from Hiiraan Online:  _
Wararka Maanta- Axad, Feb 17, 2019
Dowladda Soomaaliya oo sheegtay in ay howlgal ku dishay sarkaal ka tirsan Ururka Al-shabaab

 

Axad, Feberaayo, 17, 2019 (HOL)- Wararka ka imanaya gobolka Bakool ayaa sheegaya in saacadihii la soo dhaafay ciidamada dowladda Soomaaliya deegaanno ka tirsan gobolka ka sameeyeen howlgal ka dhan ah Ururka Al-shabaab.

Saraakiisha hoggaamineysa howlgalkaas ayaa waxaa ay sheegeen in uu ahaa mid amni xaqiijin ah,isla markaana ay ku dileen sarkaal ka tirsanaa Al-shabaab waa sida ay hadalka u dhigeen,waxaana deegaanada howlgalka laga sameeyay ka mid ahaa,Shiidle,Dudumaale,Tiyeeg-buul iyo wargaloole ee Gobolka Bakool.

Taliyaha Guutada 9-aad qeybta 60-aad ee ciidamada xoogga dalka G/Sare Warsame Maxamed Diiriye oo faah faahin ka bixiyay howlgalka ayaa sheegay in iska hor imaad kooban oo Ciidanka Xoogga dalka iyo Ururka Al-Shabaab ku dhex maray deegaano ka tirsan Gobolka Bakool ay ku dileen sarkaal ka tirsanaa Al-Shabaab.

Waxaa uu sheegay in sarkaalkaas uu caanka ahaa deegaanada Gobolka Bakool,sidoo kalena uu lacago ay u yaqaanaan Zakawaadka uu ka qaadi jiray dadlka ku nool deegaanada ay howlgalka ciidamadu ka fuliyeen.

Gobolka Bakool ayaa ka mid ah gobollada ay ku xooggan yihiin dagaalyahannada Ururka Al-shabaab marka laga soo tago magaalooyinka waaweyn oo ay dowladdu maamusho.

C/raxmaan Diini, Hiiraan Online
[email protected]













Click here
2/17/2019 2:51 PM EST
Axad, Feberaayo, 17, 2019 (HOL)- Munaasabad lagu daah furaayay barnaamishka Dhismaha Golaha Deegaanka Degmada Warsheekh ee Maamul Gobaleedka Hirshabelle ayaa lagu qabtay xarunta degmada Warshiiq

2/17/2019 12:18 PM EST
Axad, Feberaayo, 17, 2019 (HOL)- Qoraal goor dhaw ka soo baxay Wasaaradda Arrimaha dibadda Xukuumadda Soomaaliya ayaa looga jawaabay go’aankii ay dowladda Kenya kaga dalbatay safiirka Somalia inuu dalkeeda ka baxo, iyo tallaabadii ay ku sheegtay in Somalia ay iib geysay qeyb ka mid Badda Kenya si shidaal looga baaro.

2/17/2019 11:10 AM EST
Axad, Feberaayo, 17, 2019 (HOL)- Xarumahan oo loogu talo galay in ay ku shaqeeyaan qaar kamid ah wasaaradaha Jubbaland iyo ururrada dhalinyarada Jubbaland ayaa maanta laga daahfuray Kismaayo, ayadoo mashruucan uu maalgeliyay sanduuqa xasilinta Soomaaliya ee SSF.

2/17/2019 10:55 AM EST
Axad, Feberaayo, 17, 2019 (HOL)- Maxkamadda Darajada koowaad ee gobolka Bari ayaa maanta xukun dil ah ku riday dhallinyaro ku eedeysnaa dilka Nin ganacsade ah.

2/17/2019 10:27 AM EST
Axad, Feberaayo, 17, 2019 (HOL)- War ka soo baxay Wasaarradda arrimaha dibedda Kenya ayaa lagu sheegay in si qaldan loo fasiray tallaabadii ay dib ugu yeereen safiirkoodii Soomaaliya iyo dib ugu noqoshadii dalkiisa safiirkii Soomaaliya ee Kenya oo maanta soo gaaray Muqdisho.

2/17/2019 4:56 AM EST
Axad, Feberaayo, 17, 2019 (HOL)- Wararka naga soo gaaraya degmada Huriwaa ayaa sheegaya in goor uu qarax ka dhacay Ex Koontarool Balcad, waxaana la sheegay in qaraxaa lagu weeraray gaari Booyad ah oo ay wateen ciidamo ka tirsan AMISOM.

2/17/2019 3:34 AM EST
Axad, Feberaayo, 17, 2019 (HOL)- Garoonka diyaaaradaha Aadan Cadde ayaa waxaa soo cagadhigatay diyaarad siday Danjiraha dowladda Soomaaliya ee Kenya Maxamuud Axmed Nuur Tarsan, kaddib markii dowladda Kenya ay ku amartay in uu dalkiisa dib ugu laabto.

2/17/2019 12:59 AM EST
Axad, Feberaayo, 17, 2019 (HOL)-Dowladda Kenya ayaa mar kaliya ku dhawaaqday in ay xiriirka Diplomasi u jirtay dowladda Soomaaliya, iyadoo u yeertay safiirkeedii ka joogay Muqdisho, halka danjiraha Soomaaliya -na ugu baaqday in uu dalkiisa dib ugu laabto.

2/17/2019 12:26 AM EST
Axad, Feberaayo, 17, 2019 (HOL)- Wararka ka imanaya degmada Qoryoole ee gobolka Shabeellaha hoose ayaa sheegay in xalay dagaal culus uu degmada ku dhaxmaray ciidamo ka tirsan dowladda Soomaaliya iyo dagaalyahannada Al-shabaab.