3/29/2024
Today from Hiiraan Online:  _
Wararka Maanta- Jimco, Dec 27, 2019
Ayax dhibaato ku haya dhulbeereedka labada gobol Hiiraan iyo Shabeellaha Dhexe

 

Jimco, December, 27, 2019 (HOL)-Beeraleyda ku dhaqan labada gobol Hiiraan ayaa Shabeellaha Dhexe ayaa la tacaalaya sidii ay uga hortagi lahaayeen Ayax duulaan ku ah tacabka Beeraha kuwaa oo marka ay ku dagaan ka idleysanaya wixii dalag ah ee ku yaala.

Dadka ayaa si ay isaga difaacaan Ayaxa u adeegsanaya wax kasta oo ay awoodaan gaar ahaan rasaas culus oo marka uu Beeraha ku soo dhawaadaba lagu ridayo si loogu argagax galiyo.

Wasiir Ku-xigeenka Wasaarradda Beeraha Dowlad goboleedka Hirshabeelle Maxamed Bashiir Qaasim ayaa sheegay in cayayaankan Ayaxa oo ka soo gudbay deegaanada Galmudug iyo dhulka dowlad deegaanka Soomaalida uu musiibo ku yahay Beeralayda gobolada Hiiraan iyo Shabeellaha Dhexe.

Wasiir ku-xigeenka ayaa ka dalbaday dowladda Soomaaliya iyo hay’addaha arrimahan ku shaqada leh deg deg uga caawiyaan Beeraleyda wixii agab ah oo ka caawinaya sidii ay uga hortagi lahaayeen Ayaxa.

Maalmihii ugu danbeeyay deegaanno badan oo ka ka tirsan  Koonfurta iyo Bartamaha Soomaaliya waxaa weerar ba’an ku hayay cayayaanka Ayaxa waxaana dadka ay ula dagaalamayaan siyaabo kala duwan.

C/raxmaan Diini, Hiiraan Online
[email protected] 

 













Click here
12/27/2019 9:37 AM EST
Jimco, December, 27, 2019 (HOL)-Diyaarad ay saarnaayeen in ka badan 90 qof ayaa waxyar un kadib markii ay kacday ku dhacday dalka Kazakhstan, ayada oo ay ku dhinteen 12 qof, halka in ka badan 20 kale ay ku dhaawacmeen, sida ay sheegeen mas’uuliyiinta.

12/27/2019 8:09 AM EST
Jimco, December, 27, 2019 (HOL)-Madaxweynaha Eritrea Isaias Afwerki ayaa khamiistii ballan-qaaday inuu xoojin doono wada-shaqeynta kala dhaxeysa Itoobiya, isaga oo ku guda jiray maalintii ugu dambeysay booqasho laba maalmood ah, oo loo arkay inay timid xilli hanaankii nabadda labada dal uu gaabiyey.

12/27/2019 4:01 AM EST
Jimce, December, 27, 2019 (HOL)- Afar dhalinyaro ah oo saddex kamid ah dumar yihiin ayaa ku geeriyooday shil gaari oo xalay saqdii dhexe ka dhacay duleedka bari ee magaalada Garowe ee caasimadda Puntland.

12/27/2019 12:56 AM EST
Jimco, December 27, 2019 (HOL )–Xoghayaha arrimaha gudaha ee xisbiga UCID Maxamuud Cali Ramaax ayaa xabsiga loo taxaabay ka dib markii lagu eedeeyey inuu aflagaadeeyey gudoomiyaha golaha Wakiiladda Somaliland.

12/27/2019 12:04 AM EST
Jimco, December, 27, 2019 (HOL)- Magaalada Dhuusa-Mareeb ee xarunta u ah dowlad gobolleedka Galmudug waxaa ka soconaya diyaar-garoowga soo dhaweynta Ra’iisal Wasaaraha Xukuumadda Soomaaliya Xassan Cali Kheyre oo lagu waddo in uu gaaro saacadaha soo socda.