Isniin, December 16, 2019 (HOL )– Guddidii dhexdhexaadinta ka waday xukuumadda iyo labada xisbi mucaaradka ayaa soo jeediyey laba go’aan oo ay xal u arkaan in lagu dhameeyo muranka ka taagan arrimaha doorashooyinka.
Gudidan dhexdhexaadka ayaa soo jeediyey in guddidan cusub ee
doorashooyinka la kala diro iyo in gudidii hore ee doorashooyinka dib loo soo
celiyo.
Guddidan oo iskugu jirta ganacsatada dalka iyo culimo udiin
ayaa hadalkoodii sidan u qornaa:
“Guddidii dhexdhexaadinta xukuumadda iyo labadda xisbi
mucaarad waxay hawsha bilowday bishii November 21-keedii waxayna soo
gabogabaysay bishi December 16-keedii oo maanta ah, waxaana kulamo illa afar
jeer ah la kulanay labadda dhinac, waxaana soo jeedinay qodobadan:
1. In
guddidii cusbaa ee Komishanka in la kala diro iyagoo khilaaf la kowsaday.
2. in la
soo celiyo gudidii hore ee doorashooyinka anaga oo ku sababaynay khibrada iyo
tobabar ay leeyihiin labadana la waafajiyo shuruucda dalka ku yaalla.
3.
Somaliland waxay ku dhisan tahay Fulin, sharci dajin iyo garsoor, xisbiyada mucaaradku waa inay ixtiraamaan oo
qadariyaan oo ku kalsoonaadaan madaxweynaha, golaha Guurtida, golaha Wakiilada
iyo maxkamada sare wax deel qaaf ahna aan loola iman. Xisbiyada mucaaradka ah waxaanu
kula talinaynaa inay ka waantoobaan oo ay joojiyaan ficil iyo hadal kasta oo
nabadgalayda iyo xasiloonida dalka wax yeelaya
Labadan qodob ayaa labadda dhinac ku adag tahay inay
aqbalan, xukuumadda way ku adag tahay in
guddidan cusub la kala diro, halka xisbiga WADANI ku adag tahay in la soo
celiyo komishankii hore.
Inkastoo Xisbiga UCID isagu gudidii hore ee doorashooyinka aanu dhib ku arkeen oo uu shahaadooyin siiyey
shaqadi culusaa ee ay qaranka u qabteen.
Barkhad-ladiif M. Cumar, Hiiraan Online
[email protected]
Hargeysa, Somaliland.
