Maxaa ka soo baxay kulan Kismaayo ku dhaxmaray madaxweynaha Jubbaland iyo taliyaha ciidamada AMISOM
Isniin, Augusto, 05, 2019 (HOL) -
Magaalada Kimaayo waxaa maanta gaaray taliyaha ugu sareeya howlgalka midowga
Africa AMISOM Tigabu Yilma , isaga oo
kulan la yeeshay madaxweynaha dowlad gobolleedka Jubbaland Axmed Maxamed Islaam
[Axmed Madoobe]
Qoddob-ka ugu weyn ee kulanka
labada mas’uul ayaa ahaa arrinta doorashada lagu wado in dhawaan ay ka dhacdo
Jubbbaland iyo kaalinta howlgalka midowga Africa ee doorashada.
Madaxweyne ku-xigeenka Jubbaland
Maxamuud Sayid Aadan oo Kismaayo warbaahinta kula hadlay ayaa sheegay in
kulanka looga wada hadlay sidii leysaga kaashan lahaa arrimaha Nabad-galyada
marka ay timaado doorashada, isaga oo meesha ka saaray wararka ku saabsan in
AMISOM dabacsan tahay fara-galin ay ku sameyso doorashada.
Madax-weyne ku-xigeenka ayaa
intaa ku darray in sidoo kale kulanka leyskula soo qaaday sidii loo dardar-galin
lahaa howlgalada ka dhanka ah Al-shabaab ee deegaannada Jubbaland.
Wuxuu sheegay in ugu dambeyntii leysu afgartay in
si wadajir ah leysaga kaashado Amniga inta lagu guda jiro doorashooyinka ciidamada
Booliska Jubbaland iyo Ciidamada Booliska AMISOM.
Kismaayo sidoo kale waxaa ku sugan xubno ka socda
Urur gobolleedka IGAD oo kulamo la qaatay guddiga doorashada Jubbaland.
C/raxmaan Diini, Hiiraan Online
[email protected]