Isniin, Augusto, 05, 2019 (HOL) -
Guddoomiyaha guddiga doorashada Jubbaland Xamse Cabdi Barre ayaa warbaahinta
faah faahin dheeraad ah ka siiyay kulan ay magaalada Kismaayo kula qaateen
wafdi ka socda Urur gobolleedka IGAD.
Kulanka oo ahaa mid is xog
wareysi ah ayaa inta badan looga hadlay shaqada guddiga iyo halka ay marayaan
howlaha doorashada, waxaana uu guddigu sheegay in socdaalka wafdiga Urur
gobolleedka IGAD uu ku saabsanaa u kuur-galida sida ay wax u socdaan.
‘’Markii horeba xiriir ayaa naga –dhaxeeyay
oo IGAD guddiga laftirkiisa ayeey tababar ku siisay magaalada Nairobi,
haddana waxey doonayeen in ay arkaan howlaha socda, waxaan siinay xog ku
saabsan sida ay wax u socdaan iyo howlaha guddiga ee la xiriira arrimaha doorashada ayuu yiri’’
guddoomiyaha.
Marka laga soo tago guddiga doorashada xubnaha
IGAD kama aysan hadlin kulanka ay la qaateen guddiga iyo wax-yaabihii ay ka
wada hadleen, iyadoo la ogyahay shakiga faraha badan leh ee ku gadaaman
doorashada oo musharixiinta iyo siyaasiyiintu isku khilaafsan yihiin sida ay
wax u socdaan
C/raxmaan Diini, Hiiraan Online
[email protected]