James Swan oo shirka Golaha Ammaanka uga waramay khilaafka ka taagan doorashada Jubbaland
Arbaco, Augusto, 21, 2019 (HOL)-Golaha Ammaanka ee Qaramada Midoobay ayaa maanta shir ka yeeshay xaaladda Soomaaliya, waxaana mas’uuliyiinta ka hadashay ka mid ahaa Ergayga Gaarka ah ee Qaramada Midoobay ee Soomaaliya, James Swan.
Wakiilka Qarramada Midoobey James Swan waxaa uu mar kale ku celiyey in loo baahan in hannaan keliya oo heshiis lagu wada yahay lagu galo doorashada Jubaland, waxaana uu ka digay qalalaase dhacay.
James Swan waxa uu ugu baaqay dhinacyada Kismaayo in si kasta oo ay
ahaato natiijada doorashada berri ee Jubbaland, in looga baahan yahay
inay ka fogaadaan gacan ka hadal isla markaana khilaafkooda ku xalliyaan
wadahadal.
Dhinaca kale, waxaa shirkaasi kaddib Arrimaha Soomaaliya kalala hadlay
saxaafadda Xiriiriyaaha Arrimaha SIyaasadda ee Biritan Stephen Hickey.
“Ugu horrayn doorashooyinka Jubbaland ee dhacay berri wa amuhiim inay
ku dhacaan amni, nabadgelyo iyo daah furnaan. Waxaa taasi xigta
doorashada 2020-ka, waxaana loo baahan yahay bartilmaameedyo ay tahay
inay dawladdu hanato ka hor doorashada, waxaa kale oo aan diiradda
saaraynaa amniga xilliga kala-guurka ah si ciidamada Soomaalida ay
mas’uuliyadda amniga ugala wareegaan ciiddamada AMISOM ee haatan ku
sugan waddanka.”
Maalinta Kismaayo ayaa maalinta berri ah lagu wadaa in ay ka dhacdo madaxweynaha dowlad gobolleedka Jubbaland, waxaana jirta baqdi laga qabo in mar kaliya halkaa looga wada dhawaaqo labada madaxweyne oo iska soo horjeeda.