3/29/2024
Today from Hiiraan Online:  _
Wararka Maanta- Isniin, Apr 1 , 2019
Wada hadallo u socday Xisbiyada KULMIYE iyo WADDANI oo natiijo la’aan ku soo dhamaaday

Isniin, Apriil,0 1,   2019  (HOL)- Xisbiga mucaaradka ah ee WADDANI ayaa sheegay in wada hadalkii u dhexeeyey xisbiga KULMIYE iyo WADDANI ee ku saabsana xaga doorashooyinka uu natiijo la’aan ku soo dhamaaday.

Saddexdii maalmood ee u dambeeyey waxa wada hadal gaar ahi u dhexeeyey labada xisbi ee KULMIYE iyo WADDANI oo isku mari lahaa arrimaha doorashooyinka.

Xildhibaan Xuseen Axmed Caydiid oo ka tirsan xubnihii xisbiga WADDANI uga qaybgallay wada hadalkaasi ayaa sheegay inay isku fahmi waayeen labadii qodob ay ka wada hadlayeen oo kala ahaa in Komishanka la kala diro iyo in xubnaha doorashooyinka si is leeg loo qaybsado, taas oo uu ku eedeeyey inay ka socon wayday dhinaca xisbiga taladda haya ee KULMIYE.

“Saddex maalmood baan si gaar ah u kulunay,  wada hadaladayadu laba qodob bay ku warwareegayeen bal inaan wax uun isla qaadano, labadda qodob waxay kala ahaayeen arrinta Komishanka doorashooyinka oo aan soo jeedinay in la bedelo maadama oo muddo xileedkoodu ka dhamaanayo 12 cisho ka hor maalinta doorashada iyo in xubnaha Komishanka doorashooyinka si isleeg loo qaybsado, labadaasba way diideen”ayuu yidhi Xuseen Caydiid oo ku hadlayey afka xisbiga WADDANI.

Sidoo kale, waxa uu sheegay in madaxweynuhu qorshaba ka lahayn wakhtiga ka dhamaaday golaha deegaanka dalka, taas oo ahayd inuu ku soo qaato khudbad sanadeedkii sanadka ee golaha Baarlamaanka ka jeediyey.

“Maanta gole deegaan oo sharciyad ku fadhiya ma joogaan,  wax uu ku bedelayo illa hada lama hayo.”ayuu hadalkiisa raaciyey.

Si kastaba ha ahaatee, wali lama xalin caqabadihii ka horeeyey inay doorasho ka dhacdo dhamaadka sanadkan.

Barkhad-ladiif  M. Cumar, Hiiraan Online

[email protected]

Hargeysa, Somaliland.

 











Click here
4/1/2019 2:26 PM EST
Isniin, April, 01, 2019 (HOL)– Dowladda Belgium ayaa markii ugu horeysay ku dhawaaqday in ay si rasmi ah u aqoonsatay Baasaboorka Shaqaalaha iyo midka Diblomaasiga ee Soomaaliya ee loo yaqaano Service and Diplomatic.

4/1/2019 11:48 AM EST
Isniin, April, 01, 2019 (HOL)–Xaafada Addis kella ee Diridhabe waxaa maanta ka dhacay banaan bax ay isugu soo baxeen shacabka Soomaaliyeed ee xaafaddaas deggan iyagoo watay boodhadh ay ku qornaayeen " Waxaanu doonaynaa Cadaalad ".

4/1/2019 11:41 AM EST
Isniin, April, 01, 2019 (HOL)– Waxaa si rasmi ah u furmay shirwaynihii 10aad ee Xisbiga Dimuqraadiga Shacabka Soomaalida Itoobiya, shirwaynahan ayaa waxaa kasoo qayb galay dhammaan xubnaha Xisbiga, Odayaasha degaanka iyo waxgaradka, iyo sidoo kale xubno ka socday Xisbiyada degaamada dalka.

4/1/2019 8:40 AM EST
Isniin, Apriil,0 1, 2019 (HOL)- Madax dhaqameed reer Hargeysa ah ayaa xukuumada Somaliland ku eedeeyey inay doonayso inay dawladda Jabuuti u gacangaliso ganacsade Axmed Cismaan Geelle oo dawlada Jabuuti dalbatay in loo soo qabto.

4/1/2019 7:20 AM EST
Isniin, April, 01, 2019 (HOL)–Ra’iisal wasaaraha xukuumadda Soomaaliya Xassan Cali Kheyre oo khudbad ka jeediyay furitaankii Kalfadhiggii 5aad ee golaha Aqalka, ayaa sheegay in uu wakiil ka yahay madaxweynaha oo aan ka soo qeybgalin munaasabada.

4/1/2019 7:02 AM EST
Isniin, April, 01, 2019 (HOL)– Guddomiyaha Gobolka Banaadir ahna Duqa Muqdisho C/raxman Cumar Cusmaan (Eng. Yariisow) ayaa faray laamaha amniga in gacanta lagu soo dhigo askarigii dilka u geystay muwaadin Bajaajle ah, si caddaaladda loo horkeeno.

4/1/2019 6:42 AM EST
Isniin, April, 01, 2019 (HOL)– Isgoyska KM4 waxaa isku socodka dadka iyo gaadiidka xayiray dibadbax ay dhigayaan Darawalada ku shaqeysta gaadiidka yaryar ee Mooto Bajaajka, kuwaa oo ka cabanaya dilalka joogta noqday oo ay ciidamada dowladda ku hayaan.

4/1/2019 2:14 AM EST
Isniin, April, 01, 2019 (HOL)–Odayaal iyo waxgarad ka soo jeeda beesha Arab ayaa shir jaraa’id oo ay qabteen waxaa ay uga digeen xukuumadda Somaliland in ganacsade Axmed Cismaan Geelle loo gacan galiyo dowladda Jabuuti.

4/1/2019 1:28 AM EST
Isniin, April, 01, 2019 (HOL)– Maanta oo Isniin ah 01-April ayaa lagu wadaa in uu furmo Kalfadhiggii 5aad ee Golaha Aqalka sare, waxaana la filayaa in ay ka qeybgalaan munaasabada madaxda ugu sareysa Qaranka.

4/1/2019 1:03 AM EST
Isniin, April, 01, 2019 (HOL)– Saacadihii ugu danbeeyay waxaa magaalada Muqdisho qeybo ka mid ah howlgal lagu xaqiijinayo nabad-galyada ka sameeyay ciidamo ka tirsan kuwa Booliiska Soomaaliya, waxaana uu howlgalkan qeyb ka noqonayaa amarkii ka soo baxay maamulka gobolka Banaadir ee la xiriiray sugida Amniga magaalada.

4/1/2019 12:53 AM EST
Isniin, April, 01, 2019 (HOL) – Warar ay goor dhaw heshay Hiiraan Online ayaa sheegaya in mar kale uu maanta baaqday kulan ay yeelan lahaayeen xildhibaannada Golaha Shacabka.