Sabti, Maarso, 24, 2018 (HOL) – War-saxaafadeed ka soo baxay midowga
Bankiyada Soomaaliyeed ayaa lagu sheegay in la mideeyay guud ahaanba Bankiyada
oo la sameeyay hay’ad mideysa.
War-saxaafadeed :
Waxaa dib u habayn lagu sameeyay midowga bankiyada
Soomaaliyeed oo ah hay’ad midaysa dhamaan Bankiyada dalka Somalia.
Dib u habaynta lagu
sameeyay midowga ayaa taabanaysa xubnaha ka tirsan oo la balaariyay, shuruucdii
iyo qawaaniintii hay’adda oo wax laga bedelay iyo hab-dhismedka maamul ee
midowga oo isagana wax laga bedelay si uu ula jaan-qaado hab-maamulka casriga
ah ee ku dhisan daah-furnaanta iyo isla xisaabtanka.
Ujeedooyinka iyo
himilooyinka Midowga Bankiyada Soomaaliyeed ayaa waxaa ka mid ah:
Kor u qaadidda iyo horumarinta howlaha Bangiyada Soomaaliyeed si loo gaarsiiyo dad
weynaha adeeg banki oo udub- dhexaad u noqon kara kobaca dhaqaale ee dalka iyo abuurista fursado shaqo si toos ah,
iyo waliba si dadban intaba;
Xeerinta danaha guud ee mideeya Bangiyada iyo in loogu tartamo suuqa si hufan.
Xoojinta Aqoonta iyo wacyiga dadweynaha ee la xiriirta hab dhaqanka iyo Mucaamalaadka Bangiyada.
Midowga Bankiyada
Soomaaliyeed waxa uu chaiman u doortay Mr. Abdulrazak Mohamed Ahmed, madaxa Howlaha
ee Premier Bank muddo hal sano ah oo ka bilaabanaysa Febraayo 2018.
Midowga ayaa sidoo kale
waxa uu dhawaan magacaabi doonaa hay’ad fulineed oo meel marisa qorshe
sanandeedka midowga isla markaana qabata dhamaan shaqooyinkiisa maalinlaha ah.
Shirkaddaha Midowga
Bankiyada Soomaaliyeed ayaa kala ah:
Amal Bank LTD, Dahabshil Bank
International, International Bank of Somalia (IBS), Premier Bank LTD, Salaam
Somali Bank,
C/raxmaan Diini, Hiiraan Online
[email protected]