Saylici oo ka hadlay kalsoonidda uu xisbiga WADDANI kala noqday Komishanka Doorashooyinka
Sabti, Maarso, 24, 2018 (HOL) – Madaxweyne ku xigeenka Somaliland
C/raxmaan C/laahi Ismaaciil Saylici ayaa ka hadlay waraaqdii ay usoo gudbiyeen
xisbiga mucaaradka ah ee WADDANI ee ay kalsoonidda kaga noqdeen Guddida
doorashooyinka iyo aragtida uu arrintaasi u arko.
Saylici
waxa uu sheegay in doorasho xor oo xalaal ahi ka dhacday Somaliland, waxaanu
sheegay inuu aaminsan yahay in gobolka Awdal codadkii uu ka filayey
aanu ka helin oo codadkiisa laga shubtay.
Madaxweyne
ku xigeenku isagoo ka hadlaya waraaqda uu usoo gudbiyeeen xisbiga
WADADNI ee ay kalsoonidda kala noqdeen Komishanka Doorashooyinka waxa uu yidhi
“waraaqdu way na soo gaadhay anaguna xisbi ahaan lama qabno fikirkoodda (in
Komishanka la kala diro), arrintaasi waanu ka arrinsan doonaa oo xisbi ahaan
baanu ka shiri doonnaa, waana soo gudbin doonnaa waxaanu ka qabno arrintoodda ka
xisbi ahaan.”
Mar wax
laga waydiiyey in doorashaddu mad madow ka dhacday waxa uu yidhi
“soomaalidu waxay ku maahmaahda wadar iyo waaxid keebaa waalan inay doorasho
xor oo xalaal ahi ka dhacday waxa ka marag kacay dhamaan goobjoogayaashii
caalamiga ahaa oo si wanaagsan aduunyada ugu sheegay siday u dhacday
doorashaddii inay ahayd mid xalaal ah.”
Waxa
kale oo uu farta ku fiicay in gobolka Awdal in isaga lagaga shubtay oo cidadkii
uu ka filayey aanu helin.
“waxaanu
aaminsanahay in si xalaal ah ku soo baxnay, hadii aan ka hadlo gobollka Awdal
ee aan ka soo jeedo aan ka waramo in aniga la igag shubto mooyee wax aan kaga
shubtay ma jirto”ayuu hadalkiisa raaciyey.
Saddexda
xisbiba waxay ku doodayaan in mid waliba codadkii uu filayey aanu helin,
waxaanay mid waliba gaarkisia uga hadlay in codadkii uu rajaynayey
aanay helin.
Barkhad-ladiif M. Cumar, Hiiraan Online
[email protected]
Hargeysa, Somaliland