Afar Wasiir oo looga yeeray Aqalka Sare si wax looga weydiiyo xiisada degmada Beled-Xaawo
Sabti, Maarso, 24, 2018 (HOL) – Xildhibaannada Aqalka sare ayaa kulankoodii
maanta dood adag ka yeeshay xiisada ka taagan degmada Beled-Xaawo ee u dhaxeysa bulshada ku dhaqan
degmada ciidamada Kenya.
Xildhibaannada Aqalka sare qaarkood ayaa sheegay in dowladda Kenya ay
dhibaato weyn ku heysto Shacabka ku nool degmada Baled-Xaawo, islamarkaana
xukuumadda Soomaaliya aysan waxba ka qaban.
Waxaa ay codsadeen in si deg deg ah loogu yeero Wasiiro ka tirsan
xukuumadda Soomaaliya sidda Wasiiradda Arrimaha Gudaha, Amniga Difaaca iyo
Arrimaha dibadda.
Xildhibaannada ayaa sidoo kale dalbaday in wax laga weydiiyo maamulka
Jubbaland iyo guddiga Xuduudaha dhibaatada ay Kenya ku heyso Al-shabaab ku sugan
degmada Beled-Xaawo ee gobolka Gedo.
Maalmihii lasoo dhaafay ayaa waxgaradka iyo qeybaha kala duwan ee bulshadda
degmada Baledxaawo waxa ay cabasho ka muujiyeen dowladda Kenya oo ay sheegeen
in ay dhul balaarsi ka waddo degmada Beled-Xaawo.
C/raxmaan Diini, Hiiraan Online
[email protected]