Sabti, Maarso, 24, 2018 (HOL) -
Dowladda Congo ayaa ku eedeysan Qaramada Midoobey in ay sawir qaldan ka bixineyso dalka, sidoo kalana arintaa caqabad weyn ku noqon karto maalgashi lagu sameysto dalkaas.
Ku-simaha xilka ra'iisal wasaaraha dalka Congo Jose Makila ayaa sheegay in
dalka uu wajahayo xaalad adag, balse jawaabta ay Qaramada Midoobay ka bixisay
ay tahay mid niyad jabinaysa maalgashadayaasha.
“Jamhuuriyadda Dimuqraadiga ee Congo way diiday in ay ka qaybgasho shirka
Geneva ,” ayuu yiri Makila.
Waxaa uu sidoo kale sheegay in aysan ka qaybgali doonin shirka
deeq bixiyayaasha ee ka dhacaya magaaalada Geneva.
Qaramada Midoobay ayaa sheegtay in dad
ka badan 13 Milyan oo reer Congo ah ay u baahan yihiin gargaar bina’aadanimo.
Waxaa ay Qaramada Midoobay qabanqaabisay kulan heer sare ah oo looga hadlayo
xaaladda bina’aadanimo ee Jamhuuriyada. Dimuqraadiga ee Congo kaasi oo 13 bisha
April ka dhici doona magaaladda Geneva.
Dalka Jamhuuriyadda Dimuqraadiga ee Congo ayaa Qani ku ah Macdanta iyo
khayraad kale, balse waxaa dalkaasi ragaadiyay dagaalo,musuqmaasuq iyo xasarado
siyaasadeed.
C/raxmaan Diini,
Hiiraan Online
[email protected]
