Guddiga Amaanka Qaranka oo shirkoodii todobaadlaha ahaa ku leh Xarunta Villa Soomaaliya
Talaado, April, 03, 2018 (HOL) - Kulankan oo uu shir gudoominayo Madaxweyne Maxamed Cabdullaahi Farmaajo ayaa
waxaa diirada lagu saarayaa sida ay inoo xaqiijiyeen ilo ku dhaw dhaw
Madaxtooyada Arrimaha Amaanka magaalada Muqdisho oo maalmihii ugu dambeeyay ay
falal sii xumaanayay.
Guddiga Amniga Qaranka oo ka kooban
Madaxweynaha, Ra’iisul Wasaaraha, Wasiirada Arrimaha Gudaha, Amniga,
Gaashaandhigga, Cadaaladda, Gudoomiyaha Gobolka Banadir iyo Taliyayaasha
Ciidamada ayaa la filayaa in ay soo saaraan Qodobo ku aadan Amniga magaalada
Muqdisho.
Shirkan oo todobaadkiiba mar ay yeeshaan guddigan ayaa todobaadyadii ugu
dambeeyay sida la sheegay u baaqday arrimaha Khilaafka Golaha Baarlamaanka
Soomaaliya oo algu mashquulay.
Ugu dambeentii Kulanka Guddiga Amniga Qaranka ayaa waxaa laysku dhaafsado
xogaha la xiriira dhinaca ammaanka iyo howl galada walow aan laga soo sarin
warbixino iyo go'aamo.
Ilyaas Axmed Cilmi,
Hiiraan Online
Mogadishu, Somalia