Axad, April, 01, 2018 (HOL) – Xaalad adag ayaa laga
sheegayaa barriga Gobolka Sool oo la sheegay in aanay mudo shan
sano gaadhaysa roob hagaagsan.
"Dhulkii waa madoobaadey,
ceelashiina waa gudheen xoolaha iska daa ee waxaa hada
lala tacaalayaa nolosha dadka oo keel xun ayay maraysaa Illaahay baase
noo maqan" sidaa waxaa HOL u sheegay Maxamed Jaamac oo ku
sugan degmada Xuddun.
waxa kale oo uu intaas ku
daray in haatan wixii xoolo iyo dadba booyado lagu waraabiyo, in dhaqaale
ahaana dadku liitaan ayuu sheegay, rajose waxa uu Maxamed sheegay in cirku
cusub yahay.
Degaanada sida aadka ah looga
dayrinayo ayaa waxaa ka mid ah dhulka Soolka ee u dhexeeya degmooyinka
Xudun, Taleex iyo gobolada Barri ka xiga oo xiligan aanay muuqan wax
reerguuraa ah soda uu Xuseen Cabdi u sheegay Hiiraan Online.
Degaano hoglo ka curteen ayaa la
sheegayaa in ay dad badan isugu soo urureen reer guuraa badan, in
laga qaado xanuuno, daaq La'aan iyo biyo La'aan.
Degaanadan oo u dhexeeya gobolada
Sool iyo Sanaag, ayaa Xidig Maxamed Ismaaciil uu ku tilmaamay mid
meeshii ugu adkayd maraysa " Xoolihii hogol ayay ku kulmeen cagtaana
la mariyey waana hungoobeen"ayuu yidhi xidig.
Degmada Taleex oo ahayd dhulkii
waqtiyada adag lagu baxsan jirey ayaa dooxooyinkii qaawan yihiin una ekaadeen
ban aan daaq ka bixin.
Dhinaca Galneed ee gobolka
Sool ayaa ka duwan dhinaca Nugaasha iyadoo sanadkii bore ay roobab wacani
heleen taas oo xoolaha nool siiba Geela ay Ku baxsadeen.
Seynab Cabdi Warsame
[email protected]
Laascaanood G. Sool
