Ciidamada dowladda oo xalay howlgal ka sameeyay qeybo ka mid ah Gobolka Banaadir
Axad, April, 01, 2018 (HOL) – Ciidamada amniga ee dowlada
Federalka Soomaaliya ayaa xalay Howlgalo Baaritaanno ah oo lagu xaqiininayo
amaanka ka sameeyeen labo degmo oo ka tirsan gobolka Banaadir.
Howlgalanada ayay ciidamadu ka sameeyeen dagmooyinka
Shibis iyo Xamar-Weyne ee gobolkaan Banaadir waxayna ka dambeysay kadib markii
sida la sheegay ciidamo nabad sugid ah Bam gacmeed lagu weeraray degmada Shibis
halka degmada Xamar-Weyne oo xalay lagu dilay guddoomiye Waaxeed.
Maxm'ed Cabdullahi Tuulax Gudoomiye ku xigeenka amniga
iyo siyaasada ee maamulka gobalka Banaadir ayaa warbaahinta u sheegay in howlgalkan
ay ciidamada Amaanka ee magaalada Muqdisho,ku soo qabqabteen dhalinayaro fara
badan oo looga shakiyay in ay ka tirsan yihiin ururka Al-shabaab waxuuna
intaasi ku daray in raggan dhalinyarada ah hadda ay ciidamadu ku hayaan
baaritaanno iaxii ka soo baxana ay warbaahinta la wadaagi doonaan.
Si kastaba maalmihii u dambeeyay ayaa waxaa magaalada Muqdisho ku soo
badanayay falalka amniga daro ah, sida dilalka Qorsheysan iyo Qaraxyada
iyadoona mas'uuliyiinta dowladda iyo maalmulka gobolka Banaadir ay shaaciyeen
in si deg deg ah arrintaasi wax looga qaban doono.
Ilyaas Axmed Cilmi, Hiiraan Online
Mogadishu, Somalia
