Wasiir Jamaal oo ku guuleystay doorashada Kursi ka bannaanaa Golaha Shacabka oo ka dhacday Garoowe
Axad, October, 07, 2018 (HOL) – Wasiirka
Wasaarradda Qorsheynta xukuumadda Soomaaliya ayaa ku guuleystay doorasho goor dhaw
ku soo dhamaatay magaalada Garoowe oo loogu taramayay mid ka mid ah kuraasta
Golaha Shacabka Soomaaliya oo ee laga soo doorto gobolka Sanaag.
Wasiir Jamaal ayaa helay cadad gaaraya 49 cod
marka laga reebo labo cod xumaatay, iyadoo tirada guud ahaan ergada codadka
dhiibatay ay dhamaayeen 51, taasoo ka dhiggan in musharaxa kursigan kula
tartamayay Maxamuud Cabdullaahi Maxamed uusan
helin wax cod ah.
"Waan tartamay, waana la iga guulaystay, waanan ku faraxsanahay sida ay doorashadu u dhacday." ayuu yiri murrashaxii laga guulaystay, Maxamuud Cabdullaahi Maxamed.
Doorashadan ayaa horeyba loo sii saadaalinayay in
uu kursigan ku soo bixin doono Wasiirka, waxaana kursiga banneeyay oo ka baxay
Golaha Shacabka xildhibaan Daahir Cali Faarax oo loo magacaabay Qunsulka
safaaradda Soomaaliya ee Jabuuti.
C/raxmaan Diini, Hiiraan
Online
[email protected]