Dowladda Soomaaliya oo sheegtay in wali caqabado ka jiraan soo daabicida lacag shilin Soomaali ah
Jicmo, October, 05, 2018 (HOL)
–Dowladda Soomaaliya ayaa markii ugu horeysay ka dhawaajisay in ay jiraan
sharuudo wali ku xiran si loo soo daabaco lacag shilin Soomaali ah oo horay
dowladdu u sheegtay in ay sida ugu dhaqsiyaha badan u soo daabici doonto.
Wasiirka Wasaaradda Maaliyada
xukuumadda Soomaaliya Cabdiraxmaan Ducaale Beyle ayaa sheegay in 27 shuruudo
lagu xiray oo qeybo badan ay soo dhameeyeen, sidoo kale waxaa uu tilmaamay in
laga doonayo 41 Milyan oo doolar oo ah qarashka ku baxaya daabacaada lacagta
sida uu yiri.
‘’Inta badna sharuudihii
nagalu xiray waa ka gudbay, laakiin wali caqabado ayaa jira u baahan in laga
gudbo si markii aynu helno lacag cusub oo shilin Soomaali’’ ayuu yiri wasiirka.
“In la helo oo ay dadku isticmaalaan lacag shilin Soomaali ah
qaranimadeena ayay qeyb ka tahay, waana naga go’an tahay, laakiin shuruudo
badan ayaa nagula xiray”ayuu yiri wasiir Beyle.
Soomaaliya waxaa inta badan meesha ka soo baxaya
istimcaalka lacagta shilin Soomaaliga ah oo hadda uu ka soo haray 1000 shilin
oo kaliya oo aan wax sarif ah laheyn, taasoo keentay in dadku hadda intooda
badan adeegsadaan lacagta qalaad ee dollar-ka oo ah tan ugu badan oo ay dadku
wax ku kala iibsadaan.
C/raxmaan Diini, Hiiraan
Online
[email protected]