3/28/2024
Today from Hiiraan Online:  _
Wararka Maanta- Arbaco, Nov 21, 2018
Duqeyn mar kale xalay ka dhacday gobolka Mudug

 

Arbaco, November, 21, 2018 (HOL) –Wararka ka imanaya gobolka Mudug ayaa sheegaya in xalay la maqlay dhawaqa duqeyn culus oo mar kale ay halkaa ka geysteen diyaarado dagaal.

Dadka deegaan ayaa u sheegay Idaacadaha maxaliga ah in ay maqleen jug iyo dhawaaq xooggan oo ahaa duqeynta loo geystay saldhig Al-shabaab ku lahaayeen Gobolka Mudug.

Duqeyntan ayaa noqoneysa tii saddexaad oo ay diyaarado dagaal ka fuliyaan gobolka oo lagu beegsaday xoogagga Al-shabaab ee ka howlgala bartamaha Soomaaliya.

Taliska Mareykanka Africom ayaa sheegay in labo duqeyn oo 19kii bishan ay ku fuliyeen gobolka Mudug ku dileen tiro ka badan 37 dagaalyahan oo ka tirsanaa Al-shabaab.

C/raxmaan Diini, Hiiraan Online
[email protected]













Click here
11/21/2018 1:52 PM EST
Arbaco, November, 21, 2018 (HOL) – Madaxweynaha Soomaaliland Muuse Biixi Cabdi oo maalmihii ugu danbeeyay-ba socdaal ku marayay qaar ka mid ah gobollada Soomaaliland ayaa wacad ku maray in aysan wada hadal la gali doonin dowladda Soomaaliya.

11/21/2018 12:20 PM EST
Arbaco, November, 21, 2018 (HOL) – Dowladda Soomaaliya gaar ahaan War-saxaafadeed ka soo baxay Wasaaradda Warfaafinta ,Dhaqanka iyo Dalxiiska ayaa lagu sheegay Ciidmada Amniga oo taageero ka helaya ciidamo Mareykan ah in ay Mar kale weerar qorsheysan ay ka fuliyeen fariisimo Al-shabaab ku la haayeen Gobolka Mudug.

11/21/2018 10:29 AM EST
Arbaco, November, 21, 2018 (HOL) –Waxey u muuqataa in uu dhaqan-galay heshiiskii magaalada Asmara ee dalka Eritrea ku kala saxiixdeen dowladda Itoobiya iyo Jabhada ONLF, iyadoo maanta magaalada Jigjiga lagu soo dhaweeyay cutubkii ugu horeeyay ciidamo ka tirsan Jabhada oo ka soo kicitimay magaalada Asmara.

11/21/2018 10:09 AM EST
Arbaco, November, 21, 2018 (HOL) – Ergooyin kala duwan ayaa saacadihii la soo dhaafay ku soo qulqulayey magaalada Taleex ee gobolka Sool si ay qayb uga noqdaan soo afjatida colaad toban sano ku dhowaan ka taagnayd oo u dhexaysey laba beelood oo halkaa wada dega.

11/21/2018 6:46 AM EST
Arbaco, November, 21, 2018 (HOL)-Agaasimihii cadaalada qaranka Somaliland Xuseen Maxamed Lucky ayaa maanta is casilay, waxaanu eedeen usoo jeediyey madaxda sare ee Somaliland .

11/21/2018 6:29 AM EST
Arbaco, November, 21, 2018 (HOL)-Wararka xiligan naga soo gaaraya Suuqa Weyn ee Bakaaraha degmada howl-wadaag ee magaalada Muqdisho ayaa sheegaya in toogasho lagu dilay labo ruux oo ka tirsanaa shaqaalaha Shirkadda Hormuud.

11/21/2018 3:25 AM EST
Arbaco, November, 21, 2018 (HOL) -Ilaa Shan ruux ayaa ku dhaawacantay dalka Kenya nin u dhashay dalka Talyaaniga waa la Afduubtay ka dib markii dagaallyahano lagu tuhunsan yahay Shabaab ay weerar ku qaadeen goob looga dukaameysto.

11/21/2018 12:25 AM EST
Arbaco, November, 21, 2018 (HOL) –Madaxweynihii hore ee Soomaaliya Xassan Sheekh Maxamed uu ayaa si adag uga horyimid ololaha siyaasadeed ee ka socda Geeska Africa, gaar ahaan isku soo dhawaashiyaha siyaasadeed ee dalalka Soomaaliya iyo Itoobiya.

11/21/2018 12:07 AM EST
Arbaco, November, 21, 2018 (HOL)-Madaxweyne Donald Trump ayaa si weyn u taageeray dowladda Sacuudiga, xilli ay Bulshada Caalamka ay aad ugu cambaareysay Riyadh dilka wariye Jamal Kashikji.