Talaado, 01, May, 2018 (HOL) –Ciidamada militariga Kenya ayaa ururka Al-shabaab ka soo furtay 13 dhalinyaro Kenyaan ah oo
Tababaro ay ku siinayeen deegaanka Raas Kambooni ee Gobolka Jubbada Hoose.
Dhalinyaradan oo markii horeba ka tagay dalka
Kenya ayaa si hoose xiriir ula soo sameeyay ciidamada militariga dalka Kenya ee
ku sugan gobolka Jubbada Hoose, waxaana raggan ugu dambeyn loo duuliyay gobolka
xeebta ee Kenya.
Raggan oo da’dooda ay u dhaxeysay 18 ilaa 34 ayaa
ururka Al-shabaab waxaa ay tababaro ku siinayeen degaanka Raas Kambooni oo ka
tirsan Gobolka Jubbada Hoose.
Labo ka mid ah dhalinyarada la soo badbaadiyay
ayaa ka soo jeeda deegaanka Bargoni
oo ku yaal gobolka Lamu halka 11ka haray ay ka kala yimaadeen Msumarini,
Gongoni, iyo Marereni.
“Laamaha ammaanka ayaa xog wareysi ka qaadaya dhalinyarada,
sidoo kale waxay ogaanayaan talo bixinta la siin karo, tiro badan oo dhalinyaro
ah kuna biiray Shabaab ayaa dalka dib ugu soo laabanaya, waxaan balan qaadeynaa
inaan waxba la yeeli doonin Dhalinyaradan.” ayuu yiri Afhayeen u hadlay ciidamada
Booliska Kenya.
Dhalinyaradan ayaa waxa ay sheegeen Soomaaliya in
ay ka soo galeen deegaanka Kayunga, iyaga oo isticmaalayay Doomo, hami
dhaqaalana markii hore la galiyay, kaddibna ay ku adkaatay tababaro culus oo
Al-shabaab ay siinayeen.
C/raxmaan Diini,
Hiiraan Online
[email protected]