Sabti, Maarso, 31, 2018 (HOL) – Wasaaradda caafimaadka ee Falastiin
ayaa sheegtay in ciidammada Israel ay dileen shan iyo toban qof oo dibadbax ka
dhigayay xadka israel, halka kun qof oo kalena ay ku dhaawacmeen rabshadahaasi.
Madaxweynaha Falastiniyiinta ayaa dowladda Israel ku edeeyay in ay mas'uul ka
yihiin dhimashada dadkani.
Milateriga Israel
waxaa ay dhankooda shegeen in dadkani ay dhagxaan iyo walxaha qarxa ay ku soo
tuurayeen milateriga, waxaana ay shegeen inay kaga jawaabeen sunta dadka ka
ilmeysiisa iyo rasaas.
Falastiiniyiinta
Qasa ayaa iyagoo kumanaan qof ah socod bannaan bax ah ugu dhaqaaqay xadka
Israel oo ay ku bilaabayaan mudaharaaddo lix todobaad socon doona.
Milatariga
Israel-na waxa uu ku waramay in "rabshado" ka socdaan lix goobood
waxaanu sheegay in ay "rasaas ku rideen kuwa rabshadaha horseedka u
ah".
Falastiiniyiintu
waxay iskugu uruureen oo fadhiisimo ka dhigteen shan goobood oo u dhaw xadka.
Dibadbaxyada Qasa
ka bilowday ayaa bilow u ah wax Falastiniyiintu ay ugu yereen toddobaadyo
banaanbax ah oo ay ku dalbanaayaan in qaxootiga Falastiniyiinta loo ogolaado
inay ku labtaan guiryahooda oo imika ah Israel. Golaha ammaanka ee Qaramada
midoobay ayaa la sheegay inay yeelan doonaan kullan looga hadlayo xaaladda ka
soo cusboonaatay Qaza.
Xigashada Warkan BBC