Jimco ,Maarso, 30, 2018 (HOL) - Militariga Israa’iil ayaa lagu waramayaa in
la soo dhoobey xudduuda magaaladda Qaza
ka hor dibadbaxyo is xig-xiga oo la qorshaynayo in halkaasi ay maanta ka dhacaan.
Dibadbaxyadani ayaa waxaa ku baaqay kooxda ee Xamas iyo kooxaha kale ee
Falastiiniyiinta oo siweyn uga soo horjeeda faragalinta Qaza ee Israa’iil
Qaban-qaabiyayaasha dibadbaxyadani ayaa u asteeyay in ay ka dhacaan 5
goobood oo u dhaw xudduuda.
Dibadbaxani ayaa waxaa loogu magacdaray dibadbixii waynaa ee soo laabashada.
Wararka ayaa sheegaya in hal nin oo beeraley ah la dilay mid kalana lagu
dhaawacay risaas ay xalay fureen askarta Israa’iil.
Dibadbaxa maanta ayaa waxa lagu xusayaa dilkii 6 qof oo ahaa dibadbaxayaal
aan hubaysnayn oo la dilay 1976.
Kooxaha Falastiiniyiinta ayaa waxay sheegeen in dibadbaxyadani ay noqon
doonaan kuwa si nabad ah ku dhaca.
Balse saraakiisha Israa’iil ayaa sheegaya in ay rumaysnayihiin in Xamas ays
doonayan dibadbax rabshado wadan.
C/raxmaan Diini, Hiiraan Online
[email protected]
