3/28/2024
Today from Hiiraan Online:  _
Wararka Maanta- Khamiis, Mar 29, 2018
Ciyaaraha xagaaga ee Soomaalida Mareykanka oo ka furmay Columbus Ohio


Khamiis ,Maarso, 29, 2018 (HOL) – Ciyaaraha xagaaga ee sanadwalba lagu qabto Columbus ayaa sanadkii 18aad ka furmay magaaladda Columbus Ohio ee dalka Mareykanka.

Furitaanka ciyaarahan ee sanadkan 2018 waxaa xaflad furitaan ah loogu sameeyay gudaha Garoonka oo ay ciyaartu ka bilaabanayso manta oo Khamiis ah 03/29/18 waxaa ka soo qeyb galay qaar kamid ah abaabulayaasha koobka xagaaga,Deeq bixiyayaasha dhaqaalaha ku bixiya koobkan sanad walba, Ciyaartooy, iyo qeybaha kala duwan ee Bulshada.

Ciyaarahan oo ay kooxo baddan sanadwalba ka soo qeybgalaan waxaa ay kooxuhu ka kala yimaadaan goboladda Mareykanka iyo Canada, waxaana dhex mara tartan aad u xiiso baddan oo koox walba ku muujinayso qibradeeda ciyaar.

Bashiir Geelle oo ah Madaxa barnaamijkan Columbus Indoor Soccer Cup oo ka hadlay furitaanka ayaa ku dhawaaqy in ciyaaraha ay furmeen manta oo khamiis ah ayna socon doonaan ilaa iyo maalinimada Axada ee nagu soo aadan, isaga oo ka codsaday Kooxaha kala duwan ee ka yimid goboladda in ay muujiyaan Aadaab, Ixtiraam iyo Ciyaar wanaag taas oo ay ku mutaysan doonaan abaalmarin iyo bilado.

Flickinger Legal Group oo ah labo nin oo looyaro ah ayaa sanad walba ka qeyb qaata dhiira galinta dhalinyarada isla markaana ka gaysta taageero buuxda, waxayna inta badan marwalba garab taaganyihiin Kooxda ka socota Columbus Ohio oo ay ku dhiirogaliyaan in ay muujiyaan ciyaar wanaag.

Sahid Ali oo ah aqoonyahan wax baddan la shaqeeyay ciyaarahan ayaa dhankiisa dhalinyarada ku dhiirogaliyay ahmiyada ciyaaraha iyo in ay ogaadaan in dalkoodii hooyo in ay u ciyaaraan laga sugayo.

Macalin Qarindi oo ah tababarihii Koobka u soo hooyay Jubbaland ciyaarihii u danbeeyay ee goboladda Soomaalia ayaa dhankiisa ka sheekeeyay waxii uu ku soo arkay Somalia iyo sida loogu bahanyahay in la helo kooxo aad u dhisan oo la ciyaara kooxaha ku sugan Soomaaliya si loo helo awood ciyaartooy oo dalka matali karta mustaqbalka.

Fanaanka Caankaa Ahmed Rasta ayaa dhankiisa dhalinyarada ku guubaabiyay ciyaaraha iyo in ay muhiim u yihiin ciyaarahan dhalinyarada qurbaha joogta si ay uga nabadgalaan dhibaatooyinka mustaqbalka haleeya.

Ismacil Mohamed oo ah Musharax xildhibaan oo u ordaya xaafada 25 ee magaalada Columbus ayaa ugu hanbalyeeyay dhalinyarada ka shaqeeysa sanad walba qabashada ciyaarahan isaga oo dhanka kale Soomaalida Columbus ka codsaday in ay soo baxaan oo ay codkooda siiyaan si uu bari u garab istaago Jaaliyadda oo hadii ay xubin ku yeeshaan baarlamaka heli doona xaquuq imina ka maqan.

Ciyaarahan oo sanadkii 18aad la qabanayo waxay abuuraan is dhexgal bulsho iyo isku imaatin saaxiibo xiliyo aan is arkin waxayna dhiirogalin u noqotaa dhalinta jecel Sportska oo ka hela waqti ay ku muujiyaan awoodooda ciyaareed.

Deeqo Shire (SONNA)















Click here
3/29/2018 1:31 PM EST
Khamiis ,Maarso, 29, 2018 (HOL)–Guddoomiyaha Baarlamaanka Soomaaliya Prof Maxamed Sheekh Cusmaan Jawaari oo galabta shir guddoomiyay kulankii Guddiyada joogta Golaha, ayaa waxaa looga wada hadlay sidii dib loogu bilaabi lahaa howlaha caadiga ahaa ee fadhiyada Baarlamaanka.

3/29/2018 11:44 AM EST
Khamiis ,Maarso, 29, 2018 (HOL)–Warar goor dhaw soo baxay ayaa sheegaya in guddiga Joogtada Aqalka Sare uu kala diray guddigii uu u xil saaray xalinta khilaafka Golaha Shacabka, kaddib markii ay ku guuldareysteen waan waantii ay ka dhex wadeen labada dhinac.

3/29/2018 10:04 AM EST
Khamiis ,Maarso, 29, 2018 (HOL)–Wasiirka Wasaaradda Arrimaha dibedda Somaliland Sacad Cali Shire ayaa ka hadlay markii ugu horeysay dacwadda dowladda Federaalka Soomaaliya ay Imaaraadka Carabta uga gudbisay golaha Ammaanka Qaramada Midoobay.

3/29/2018 9:25 AM EST
Khamiis ,Maarso, 29, 2018 (HOL)–Gabadha ku guuleysatay abaal marinta caalamiga Nobel Peace Prize Malala Yousafzai ayaa dib ugu laabtay markii u horeysay dalka Pakistan, tan iyo markii ay toogteen Kooxda Taliban lix sano ka hor.

3/29/2018 8:42 AM EST
Khamiis ,Maarso, 29, 2018 (HOL)–Qaramada Midoobey ayaa sheegtay in ay sii kordhayaan dadka Soomaaliyeed ee doonaya inay ka baxaan xeryaha Qaxootiga Dhadhaab Kenya kuna laabtaan dalkooda Hooyo ee Soomaaliya.

3/29/2018 8:11 AM EST
Khamiis ,Maarso, 29, 2018 (HOL)–Mukhtaar Rooboow Abuu-Mansuur oo horay uga tirsanaan jiray Al-Shabaab, islamarkaana isku soo dhiibay dowladda Soomaaliya, ayaa maanta Magaalada Baydhabo waxaa uu kulamo kala duwan kula leeyahay Saraakiil ka tirsan ciidamada dowladda.

3/29/2018 4:49 AM EST
Khamiis, Maarso, 29, 2018 (HOL)-Ninkan oo ku hubeysnaa Mindi ayaa tooriyeeyay laba qof oo uu ku jiro imaamka Masjid ku yaal goboka Kassala ee bariga dalka Sudan.

3/29/2018 4:04 AM EST
Khamiis, Maarso, 29, 2018 (HOL)-Ciidamada ammaanka ayaa howlgallo ay xalay ka sameeyeen xaafado ka tirsan degmada Wadajir ee goolka Banaadir waxa ay kusoo qabteen hub si sharci darro ah loo heeystay.

3/29/2018 1:39 AM EST
Khamiis, Maarso, 29, 2018 (HOL)-Xildhibaanno ka tirsan Golaha Shacabka gaar ahaan kuwa taageersan Guddoomiye Prof Maxamed Sheekh Cismaan Jawaari oo xalay kulan ku yeeshay Xarunta Villa Hargeysa ayaa ku dhawaaqay in sharci ahaan uu jabay Mooshinkii laga keenay Guddoomiyaha Golaha Shacabka.