Howlwadeennadii hawada Soomaaliya ka maamuli jiray Nairobi oo Muqdisho loo soo wareejiyay
Arbaco, Maarso, 28, 2018 (HOL) - Wasiirka Wasaaradda Gaadiidka iyo duulista
Hawadda Soomaaliya Maxamed Cabdullaahi Salaad Oomaar ayaa warbaahinta u sheegay
in maanta lagu guuleystay in magaalada Muqdisho la keeno shaqaalihii ka howlgali
jiray xarunta laga maamulo hawadda Soomaaliya ee magaalada Noirobi.
Wasiirka waxaa uu sheegay in ay tahay guul weyn oo ay dowladda Soomaaliya
gaartay, islamarkaana wixii maanta ka dambeeya magaalada Muqdisho ay ka shaqeyn
doonaan.
Wasiirka ayaa sidoo kale ayaa sidoo kale tilmaamay in inta badan qalabkii
yaallay Kenya la keenay Muqdisho.
‘’Waxaaan soo wareejinayay oo halka (Muqdisho) ka howlgali doona shaqaalihii
ama howlwadeennadii Nairobi ka maamlayay hawada Soomaaliya iyo tan iyo 1993dii,
kuwaa oo halbowlo u ahaa maamulka hawada Soomaaliya’’ ayuu yiri Wasiirka.
Wuxuu sheegay Wasiirka in shaqaalaha soo gaaray magaalada Muqdisho gaarayaan
ilaa 34 Afar qof oo ka mid ahaa howlwadeennadii maamulka hawada Soomaaliya.
Dowladda Soomaaliya ayaa ku dhawaaqday Dhamaadkii 2017-ka in lasoo
wareejiyay hawadda Soomaaliya oo wixii ka dambeeyay burburka Soomaaliya ay
gacanta ku haayeen Hay’addo iyo dowlado Shisheeye.
C/raxmaan Diini, Hiiraan Online
[email protected]