Arbaco, Maarso, 28, 2018 (HOL) - Golaha Amaanka ee QM ayaa Talaadadii shalay
meel mariyay Qaraar waqtiga loogu kordhiyaya Xafiiska QM ee Soomaaliya oo la
gaarsiiyay illaa 31-ka March 2019.
Goluhu waxaa uu isla gartay muhiimadda taaageeradda howlgalka UNSOM Soomaaliya,
gaaar ahaan taageridda dadaaladda Nabadda ee Dowlada Faderalka ah ee Soomaaliya
iyo Nidaamka Dib u Hishiisiinta, sida lagu sheegay Qaraarka oo ay soo
jeedintiisa iska lahayd Boqortooyadda UK.
QM waxay sidoo kale ku celisay Xushmadda ay u heeyso Madaxbanaanidda,
dhuleed iyo Siyaasadeed iyo midnimadda Soomaaliya, Qaraarka QM ayaa sidoo kale
ku baaqay in laga hortago wax kasta oo xasarad gobolka ka Abuuri kara iyo
muranka hoos u dhaca ku keeni kara Soomaaliya.
Xafiiska UMSOM waxaa la aasaasay 3dii Jun 2013 kii, waxaana lagu asaasay
Qaraar labmarkiisu ahaa 2,102, ujeedaduna waxay ahayd in uu Caawiyo Dowladda
Faderalka ah ee Soomaaliya.
Waqtiga Xafiiska UNSOM wuxuu ku ekaa 31 Bishaan, waxaase uu sii shaqayn
doonaa illa iyo 31 ka March 2019, sida uu ogolaaanayo Qaraarka Golaha amaanka
ee QM oo tirsigiisu yahay 2408.
C/raxmaan Diini, Hiiraan Online
[email protected]