3/28/2024
Today from Hiiraan Online:  _
Wararka Maanta- Sabti, Mar 24, 2018
Khilaaf ka taagan halka lagu qabanayo codeynta mooshinka guddoomiyaha Golaha Shacabka

 

Sabti, Maarso, 24, 2018 (HOL) -Waxaa sii xoogeysanaya doodda ka taagan halka ay ka dhaci doonto codeynta mooshinka ka dhanka ah guddoomiyaha Golaha Shacabka Soomaaliya Prof Maxamed Cismaan Jawaari oo aad moodo in ay siweyn ugu kala aragti duwan yihiin xildhibaannada iska soo horjeeda.

Guddoomiyaha Golaha Shacabka Prof Jawaari ayaa ka hor yimid in codeynta mooshinka lagu qabto xarunta Baarlamaanka oo sida uu hadalka u dhigay xilagan aan u muuqan goob dhax-dhaxaad ah, isaga oo ku eedeeyay xukuumadda in ay xoog kula wareegay Amaanka xarunta lagana qaaday ciidamadii horay halkaa u joogay.

Aragtida guddoomiyaha Golaha Shacabka waxaa sidoo kale qaba xildhibaannada taageersan ee ka soo horjeeda mooshinka oo dalbanaya in leysla tago goob kale oo ka baxsan xarunta Golaha Shacabka si looga fogaado sida ay hadalka u dhigeen faragalin uga timaada dhinaca xukuumadda.

Laakiin dalabka guddoomiyaha Golaha Shacabka iyo xildhibaannada la safan waxaa ka soo horjeestay dhinaca kale ee mooshinka kalsooni kala noqoshada ah ka keenay guddoomiyaha kuwaa oo ku adkeysanaya in codbixintu ku dhici doonto xarunta Golaha Shacabka.

Maalmihii ugu danbeeyay waxaa soo baxayay warar sheegaya in beesha caalamku aqbaleen dalab uga yimid guddoomiyaha Baarlamaanka oo codsaday in codeynta mooshinka isaga ka dhanka ah lagu qabto Teendhadii lagu doortay madaxweynaha dowladda Soomaaliya Maxamed Cabdullaahi Farmaajo iyadoo ay goob joog ka noqonayaan saraakiisha beesha caalamka iyo xubno ka socda Ururada Bulshada rayidka.

Ilaa iyo hadda waqti rasmi ah looma qaban xiliga  ay dhaceyso codeynta, laakiin sida ku qoran xeer hoosaadka waa in muddo 10 cisho ah lagu soo gabagabeeyo oo ka bilaabaneysa waqtiga la gudbiyay mooshinka.

Guddoomiye ku-xigeenka koowaad ee Golaha Shacabka ayaa dhawaan baaq u diray xildhibaannada dibada ku maqan in ay sida ugu dhaqsiyaha badan u soo galaan, taasoo macnaheedu noqonayo in dhinac walba uu raadinayo codad ku filan.

In kalsoonida lagala noqdo guddoomiye Jawaari ayaa u baahan codad gaaraya 184, taasoo dad badanni shaki ka muujinayaan sida mar kaliya loo wada heli karo, madaama ay adag tahay in tiro intaa la ego dhinac kaliya isku wada raacaan.

C/raxmaan Diini, Hiiraan Online
[email protected]













Click here
3/24/2018 1:50 PM EST
Sabti, Maarso, 24, 2018 (HOL)–War-saxaafadeed ka soo baxay midowga Bankiyada Soomaaliyeed ayaa lagu sheegay in la mideeyay guud ahaanba Bankiyada oo ku midoobey hay’ad kaliya.

3/24/2018 1:18 PM EST
Sabti, Maarso, 24, 2018 (HOL)–Ciidamada dowladda iyo kuwa howlgalka midowga Africa AMISOM oo wata gadiidka dagaalka ayaa subaxnimadii hore ee saakay ka anbabaxey magaalada Beledweyne,kuwaa oo ku wajahan degmada Buula-burte ee gobolka Hiiraan, iyaga oo sii maraya deegaannada ay gacanta ku hayaan Al-shabaab.

3/24/2018 10:47 AM EST
Sabti, Maarso, 24, 2018 (HOL) – Madaxweyne ku xigeenka Somaliland C/raxmaan C/laahi Ismaaciil Saylici ayaa ka hadlay waraaqdii ay usoo gudbiyeen xisbiga mucaaradka ah ee WADDANI ee ay kalsoonidda kaga noqdeen Guddida doorashooyinka iyo aragtida uu arrintaasi u arko.

3/24/2018 10:05 AM EST
Sabti, Maarso, 24, 2018 (HOL)–Xildhibaannada Aqalka sare ayaa kulankoodii maanta dood adag ka yeeshay xiisada ka taagan degmada Beled-Xaawo ee u dhaxeysa bulshada ku dhaqan degmada ciidamada Kenya.

3/24/2018 7:29 AM EST
Sabti, Maarso, 24, 2018 (HOL)-Guddoomiyaha Aqalka Sare ee Soomaaliya Cabdi Xaashi Cabdullaahi ayaa kulankii maanta ee Golaha yeesheen ka dhax sheegay in ay dalbadeen ciidamo AMISOM ah oo suga Amniga golaha

3/24/2018 4:56 AM EST
Sabti, Maarso, 24, 2018 (HOL)- Dowladda Congo ayaa ku eedeysan Qaramada Midoobey in ay sawir qaldan ka bixineyso dalka, sidoo kalana arintaa caqabad weyn ku noqon karto maalgashi lagu sameysto dalkaas.

3/24/2018 4:50 AM EST
Sabti, Maarso, 24, 2018 (HOL)-Waxaa Todobaadkan magaalada Qaahira ee dalka Masar lagu soo gaba-gabeeyay bandhigga dhaqannada Aradyda wax ka barata Dalkaasi oo ay Soomaalidana qayb ka tahay.

3/24/2018 2:07 AM EST
Sabti, Maarso, 24, 2018 (HOL)–Waxaa soo baxaya eedeymo culus oo shacabka ku dhaqan degmada Beled-Xaawo ee gobolka Gedo u jeedinayaan dowladda Kenya, kaddib xiisad ka dhalatay darnbi Kenya ay ka dhiseyso xadka ay la wadaagto Soomaaliya.

3/24/2018 1:35 AM EST
Sabti, Maarso, 24, 2018 (HOL) –Madaxweynaha dowladda Soomaaliya Maxamed Cabdullaahi Farmaajo ayaa xalay xarunta madaxtooyada Soomaaliya kulan kula qaatay Wasiirro iyo Xildhibaanno ka kala tirsan labada Gole ee dowladda, isaga oo ka kala hadlay xiisada siyaasadeed ee ka dhalatay mooshinka, guddoomiyaha Golaha Shacabka.

3/24/2018 1:06 AM EST
Sabti, Maarso, 24, 2018 (HOL)-War ka soo baxay Wasaaradda Arrimaha Dibadda Xukuumadda Federaalka Soomaaliya ayaa hambalyo loogu diray Xog-hayaha Guud ee Jaamacadda Carabta.

3/24/2018 1:02 AM EST
Sabti, Maarso, 24, 2018 (HOL)-Kulan maanta xaruntooda magaalada Muqdisho ay ku yeelanayaan xubnaha Aqalka sare ee Soomaaliya ayaa lagu wadaa in ay guddi u saaraan kiiska weerarkii lagu qaaday horaantii sanadkan Guriga Sanator Cabdi Xassan Cawaale Qeybdiid