Ganacsatadda qaarkood oo joojiyey adeega wax lagaga iibsado ee lacagta Mobile lagu shubto
Arbaco, Maarso, 21, 2018 (HOL) - Suuqyadda magaaladda Hargeysa waxa ka
jira jahawareer uu sababay lacagtii Mobiladda ee loo bedelay Shiling Somaliland
ka dib markii dadkii ganacsatadda diideen in wax lacag ah dadka kaga iibiiyaan
lacagta Mobile-ka.
Meherada
iyo kaalmaha shiidaalka ayaa qaar ka mid ahi joojiyeen in gabi ahaanba wax
lagaga iibsado lacagta Mobileka lagu shubto, waxaana arrintaasi sababay ka dib
markii kaashkii ku badatay moobilekii ay waayeen meel ay lacagtoodd kala
baxaan.
Jahawareerkan
ayaa yimid ka dib markii la joojiyey boqol dollar wixii ka yar ee
Mobileka lagu shuban jirey in wax lagu kala iibsado,isla markaana loo bedelay
lacagta wadanka ee SHiling Somaliland, taasina waxay keentay in suuqii uu ku
bato lacagtii shilling Somalinad oo la waayaba lacagtii dollarka ahayd, waxaana
shirkadihii adeegan lahaa iyaguna ku adkaaday inay lacagta badan ee Mobileka ku
jirta ay ka saaraan.
Dhinaca
kale, ganacsadii sarifleyaasha ayaa si weyn uga soo horjeestay adeega cusub ee
shirkada Telesom bilowday ee mobileka lagu dhex sarifanayo lacagta kugu jirtay,
taas oo ay sheegeen in shaqadoodii ay kala wareegayso, taasina waxay keentay in
lacagtii doolar ee ay hayeen ay xaraystaan,isla markaana joojiyaan in
lacagta Mobile ka ku jirta ay dadka uga saaraan.
Arrintan
cakiran ayaa saamayn ku yeeshay shacabkii,isla markaana dadkii adeegan Mobileka
lacagta ku shuban jiray ay waayeen meel au lacagtooda kala baxaan,
waxaana saacadaha soo socda laga sugayaa xukuumadda inay go’aan kale oo
arrintaasay ku furdaaminayso soo saarto.
Barkhad-ladiif M.
Cumar, Hiiraan Online
[email protected]
Hargeysa,
Somaliland.
