Arbaco, Maarso, 21, 2018 (HOL)– Warar dheeraad ah ayaa ka soo baxaya iska horimaadka ka dhacay Agagaarka Tarbuunka degmada Hodan ee gobolka Banaadir oo u dhaxeeya ciidamo ka kala tirsan nabad-sugida iyo ciidamada uu tababaro Imaaraadka.
Dadka degmada ayaa sheegay in ay maqlayaan mar
marka qaar rasaas culus, wallow hadda xaaladu u muuqato mid degan.
Wararka ayaa sheegaya in iska hor imaadka ay ka qeyb qaadanayaan
qoryaha ku rakiban gaadiidka dagaalka, taasoo baqdin weyn ku abuurtay dadka degmada.
IsgoyskaTarbuunka oo ah meel aad u mashquul badan
oo ay isticmaalaan gadiidka dadweynaha ayaa xiran, waxaana lagu arkayaan oo
kaliya ciidamo aad u hubeysan.
Ma jiro wax war ah oo ka soo baxay
laamaha Amniga dowladda oo ka hadlaya Israsaaseynta laga maqlay degmada Hodan.
Ilaa iyo hadda lama oga khasaaraha ka dhashay iska horimaadka labada dhinac
C/raxmaan Diini, Hiiraan Online
[email protected]