Farmaajo oo ka tacsiyeeyay geerida ra’iisal wasaarihii ugu xil heynta dheeraa dalka Jabuuti
Talaado, Maarso, 20, 2018 (HOL) – Madaxweynaha dowladda Soomaaliya Maxamed Cabdullaahi Farmaajo ayaa uga
tacsiyeeyay madaxda iyo shacabka Jabuuti
geeridii ku timid, Alle ha u naxariistee, Barkat Gourad Hamadou oo maalintii shalay ku geeriyoodey dalka Faransiiska.
Barkt ayaa dalkaasi Jabuuti ra'iisal wasaare ka so onoqday intii u dhaxeysa 1978 – 2001dii, waxaana uu noqonaya ra'iisal wasaarihii ugu xil heynta dheeraa dalkaas, waxaana da'diisa lagu sheegay 88 sano.
Madaxweyne Farmaajo ayaa tilmaamay kaalintii muhiimka ahayd ee
marxuumku uu ka soo qaatay howlaha dib u heshiisiinta shacabka Soomaaliyeed iyo
sida uu ugu qeyb qaatay dib u dhiska dowladnimada Soomaaliya.
“Innaa Lillaahi wa innaa ileyhi raajicuun . Labada shacab ee Soomaaliya iyo
Jabuuti waxaa ka baxay qof qiimo badan oo baal dahab ah ka galay sooyaalka
labada dal. Waxaan la qeybsanaynaa walaalaheenna reer Jabuuti tiiraanyada,
Allena waxaan uga baryaynaa marxuumka inuu naxariistiisa janno ku abaal
mariyo.”
Madaxweyne Maxamed Cabdullaahi Farmaajo ayaa u rajeeyay qoyskii, asxaabtii
iyo guud ahaan shacabka reer Jabuuti inuu sabar iyo iimaan ka siiyo geerida
marxuum Barkat Gourad Hamadou.
C/raxmaan Diini, Hiiraan Online
[email protected]
