3/28/2024
Today from Hiiraan Online:  _
Wararka Maanta- Axad, Mar 18, 2018
Mas'uuliyiin ka tirsan dowladda oo ka qeybgalay Aaska Nabadoon Axmed Cabdulle Jimcaale


Axad, Maarso, 18, 2018 (HOL)- Waxaa maanta magalada Muqdisho Aas loogu sameeyay Alle ha u naxariisteen Nabadoon Axmed Cabdulle Jimcaale oo maalintii shalay Rag hubeysan ay ku dileen meel aan ka fogeyn hoygiisa degmada Hodan ee magaalada Muqdisho.

Aaska Marxuun ayaa waxaa ka soo qeyb-galay Xildhibaano ka tirsan labada Gole ee dowladda, WasiirkaWasaaradda Waxbarashada Xukumada iyo Xildhibaano iyo Wasiiro ka tirsan Dowlad Gobolleedka Hirshabelle, odayaal dhaqameed, ganacsato iyo siyaasiin ka soo jeeda gobolka Hiiraan,

Saaalada Jinaasada  waxaaa  lagula dukaday Marxuumka Isbitaalka Madiina ee magaalada Muqdisho halkaa oo lagu Aasay.

Aaska kaddib ayaa waxaa warbaahinta la hadlay xildhibaannada Labada Gole ee dowlada Soomaaliya waxaana ay uga tacsiyeeyeen dhamaan umada Soomaaliyeed gaar ahaan Reer Hiiraan oo uu ka baxay nabadoon  weyn waxeyna intaasi ku dareen in gacan ka xaqdaran ay dishay.

Xildhibaan Nuur Iidow iyo Xildhibaan  Cabdullahi Goodax Barre oo ka hadlay Aaska ayaa sheegay in dilka Nabadoonka ay ka dambeeyeen Al-shabaab islamarkaana ay aar goosi ahaan u dileen nabadoona kaddib markii xoogag badan looga dilay dagaal ka dhacay gobolka Hiiraan gaar ahaa degamda Maxaas.

Dhinaca kale Xildhibaanada ayaa shaaciyay in ay booqanayaa ciidamadii dadka deegaanka ee ku soo dhaawacmay dagaalka Al-shabaab kuwaasi oo la keenay isbitaalada Muqdisho qaar iyagoona dowlada ka codsadeen in daryeel caafimaad oo dibada ah loo fidiyo dadkan islamarkaana dadka Gobolka Hiiraan in ay ku taageerto dowladu  la dagaalanka Al-shabaab si bay yiraahdeen looga xureeyo loogana kor qaado dhibaatooyinka ay ku hayaan dadka deegaanadaasi.

Xildhibaanada, Siyaasiinta Odayaasha iyo dhamaan qeybihii ka soo qeyb galay Aaska ayaa dhamaan sheegay in dilka Nabadoonka uu sii xoojin doono dagaalanka lagula jiro Al-shabaab.

Ilyaas Axmed Cilmi, Hiiraan Online
Mogadishu, Somalia












Click here
3/18/2018 4:35 PM EST
Axad, Maarso, 18, 2018 (HOL)-Tababar soconaya muddo labo maalmood ah oo loogu talagalay in aqoonta suxfiyiinta Soomaaliyeed kor loogu qaado ayaa shalay ka furmay magaalada Muqdisho.

3/18/2018 10:09 AM EST
Axad, Maarso, 18, 2018 (HOL)-Guddoomiyaha Baarlamaanka Soomaaliya Prof Maxamed Cismaan Jawaari oo shir jaraa'id ku qabtay magaaalada Muqdisho ayaa sheegay in uu aqbaley mooshinka laga keenay, isaga oo dalbaday in muddo 10 cisho ah lagu codeeyo.

3/18/2018 9:50 AM EST
Axad, Maarso, 18, 2018 (HOL)–Kulankan oo ka dhacay magaalada Mandheera ee gobolka Waqooyi Bari Kenya ayaa waxaa uu u dhexeeyay wafdi uu horkacayay gudoomiyaha gobolka Gedo, oo ka koobnaa taliyaha nabadsugidda gobolkaasi, masuuliyiinta maamullada degmooyinka Doolow, Baladxaawo iyo Luuq iyo masuuliyiinta maamulka Mandheera oo uu horkacayay gudoomiyaha Mandheera.

3/18/2018 5:23 AM EST
Axad, Maarso, 18, 2018 (HOL)-Madaxweynaha Somaliland Muuse Biixi Cabdi oo ku sugan dalka Iskutaga Imaaraadka Carabta ayaa ku eedeeyay dowladda Qatar in ay ka soo horjeedo heshiiska dhaxmaray shirkadda DP World iyo Somaliland.

3/18/2018 2:47 AM EST
Axad, Maarso, 18, 2018 (HOL)-Taliyeyaasha ciidamada Somaliland ayaa qayb ka noqday weftiga uu hogaaminayo madaxweynaha Somaliland Muuse Biixi oo u dhoofay dalka Imaaraadka Carabta.

3/18/2018 2:32 AM EST
Axad, Maarso, 18, 2018 (HOL)-Ciidamo ka tirsan howlgalka midowga Africa AMISOM ayaa maalintii shalay la wareegay AMISOM ayaa waxba kama jiraan ku tilmaantay wararka sheegaya in ay ciidamadooda kala wareegeen kuwa dowladda federaalka ah Amaanka Xarunta Golaha Shacabka.

3/18/2018 2:19 AM EST
Axad, Maarso, 18, 2018 (HOL)-Wasaaradda Gaashaandhiga xukuumadda Soomaaliya ayaa ku dhawaaqday dagaal ka dhan ah Ururka Al-shabaab iyo weerar lagu qaadayo deegaannada ay uga sugan yihiin qeybaha kala duwan ee dalka.

3/18/2018 2:03 AM EST
Axad, Maarso, 18, 2018 (HOL)–Feysal Cabdullaahi Cumar oo ah 17 sano jir wax ka dhigta dugsiga sare oo ku yaala magaalada Jowhar ayaa ka cabanaya xil ay u magacaawday Wasaaradda arrimaha gudaha ee maamulka Hirshabeelle.

3/18/2018 1:44 AM EST
Axad, Maarso, 18, 2018 (HOL) – Ra’iisul wasaaraha Soomaaliya Xassan Cali Kheyre oo ay wehliyeen Saraakiil ka tirsan ciidanka Booliska ayaa xalay kormeer ku tagay Saldhigyada Booliska degmooyinka H/wadaag, Hodan iyo Dayniile, isagoo u kuur galayay sida ay u socoto howlaha sugida ciidamada.

3/18/2018 1:40 AM EST
Axad, Maarso, 18, 2018 (HOL)–Saraakiil ka tirsan ilaaladaxeebaha ee dalka Giriigga ugu yaraan 16 qof oo muhaajiriin ah oo ay ku jiraan Lix caruur ah ayaa dhintay kadib markii dooni ay saarnaayeen ay ku qarqantay badda u dhaxeeysa Turkiga iyo Greek-gga.

3/18/2018 1:32 AM EST
Axad, Maarso, 18, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa dib u dhigay safar uu maanta ugu anbabixi lahaa dalka Qatar sida ay inoo sheegeen xubno siweyn ugu dhaw dhaw xafiiska madaxweynaha.