Maamulka Koonfur Galbeed oo sheegay in ay gacanta ku dhigeen rag ka tirsan Al-shabaab
Sabti, June, 09, 2018 (HOL) –Wararka ka imanaya
magaalada Baydhabo ee xarunta gobolka Baay ayaa sheegaya in ciidamada maamulka
Koonfur Galbeed gacanta ku dhigeen Labo ruux oo sida ay saraakiishu sheegeen ka
tirsanaa Al-shabaab.
Saraakiisha ayaa sheegay in raggan la qabtay sanadkii hore magaalada
Muqdisho ay ku dhaawaceen nin dhalinyaro ahaa, iyagoo sida la sheegay meyd
ahaan uga tagey, balse dib laga ogaaday in uu nool yahay.
Sidoo kale raggan gacanta lagu dhigay ayaa la
sheegay in Ninka ay ku soo dhawaaceen Muqdisho mar kale ugu soo hajabeen khadka
talleefoonka isaga oo ku sugan magaalada Baydhabo.
Raggan xilligii la qabanayay aan wax hub ah aanan
wadan ayaa si nabadgelyo ah isugu dhiibay ciidanka, kadib markii lagu amray
inaanay wax dhaqdhaqaaqi ah samayn karin.
Ciidamada Booliska oo raggan lagu wareejiyay ayaa
waxa ay u kaxeeyeen xarumaha hay’adaha amnigu ku leeyihiin magaalada Baydhabo,
si baaritaano dheeri ah loogu sameeyo.
C/raxmaan Diini, Hiiraan
Online
[email protected]