Isniin, June, 25. 2018 (HOL) - Magaalada Garoowe, ee xarunta
Puntland ayaa lugu qabtay bandhiga xeerka isgaarsiinta Soomaaliya ,
waxaana ka qeybgalay madaxweynaha Puntland iyo wasiirrada isgaarsiinta
dowlad-gobolleedyada xubnaha ka ah dowladda Federaalka.
Saddex maalin oo bandhiga uu socda
ayaa lugu wadaa in lugu lafaguro sidii loo horumarin lahaa isgaarsiinta
Soomaaliya iyo sidii looga gudbi laha caqabadaha hortaagan ee jira
isgaardhsiinta.
“Waa in la fahmaa in isgaarsiintu ay
tahay wax taabanaya qofka xoriyadiisa iyo dareenkiisa, maxaa ka dhigaya lagama
maarmaan? Waa isbadalka qofka noloshiisa ku dhacaya, wixii shalay ahaa raaxo
iyo madadaalo, maanta waxay isku badashay baahi joogto ah maanta daqiiqad
moobilkaaga kama maqnaan kartid nolosha qofka ayaa ku xiran maanta, shirkadaha
madaxa banaan ee howshaas qabtay amaan bay mudan yihiin doorka ay qabteen.”
ayuu yiri Madaxweynaha Puntland, Cabdiweli Gaas oo bandhiga ka qeybgalay.
Dadka kale ee ka qeybgalay bandhigan
oo ay martigalisay wasaaradda warfaafinta Puntland, waxaa ka mid ah garyaqaanka
guud ee dowladda Federaalka Soomaaliya, ku- xigeenka Xeer ilaaliyaha guud ee
Puntland, saraakiil katirsan madaxtooyada Puntland, shirkadaha
isgaarsiinta Soomaaliya iyo marti sharaf kale.
Iman Jama
