Arbaco, June,20, 2018 (HOL)-Warar kala duwan
ayaa ka soo baxaya gaari goor dhaw ku qarxay degmada Hodan ee magaalada
Muqdisho oo sida wararku sheegayaan la socdeen labo dhalinyaro ah.
Qaraxa ayaa gaar ahaan ka dhacay nawaaxiga Xaaji Baast una dhow Jidka
Maka Al-Makarama, waxaana la sheegay in gaariga qarxay uu ahaa nuuca raaxada
ah.
Goobjoogayaal ayaa warbaahinta u sheegay in
gaariga ay la socdeen labo dhalinyaro ah wiil iyo gabar, iyadoo uu dhaawac soo
gaaray wiilka oo gaariga waday, waxaana la sheegay in dhaawaca la dhigay
isbitaalka Daaru-Shifa.
Ciidamo ka tirsan kuwa Amniga ayaa gaaray halka
qaraxa uu ka dhacay, kuwaasoo wadada xiray, baaritaana wada.
Marar badan oo hore ayaa gadiidkan lagu soo xiro
walxaha qarxa waxaa lagu khaarajiyay shasiyaad kala duwan oo isugu jiray saraakiil
ciidan, siyaasiyiin iyo mas’uuliyiin ka tirsan dowladda.
C/raxmaan
Diini, Hiiraan Online
[email protected]