3/29/2024
Today from Hiiraan Online:  _
Wararka Maanta- Sabti, Dec 8 , 2018
Dekedda Muqdisho oo lagu soo kordhiyay qalab casri ah

Sabti, December, 08, 2018 (HOL)-   Shirkadda maamusha dekedda caasimadda Muqdisho ee Albeyrak ayaa maanta soo bandhigtay qalab cusub oo dekedda lagu soo kordhiyay, kaas oo la sheegay inuu wax badan ka tari doono socdaalka iyo hagidda Maraakiibta waa weyn ee xamuulka sida ee ku soo xirta dekedda.

Xaflad kooban oo soo bandhigidda qalabka loo qabtay, waxaa goobjoog u ahaa Wasiirka Dekadaha  iyo Gaadiidka  Badda Soomaaliya, Wasiir ku- xigeenka Wasaaraddaasi iyo Maamulka shirkadda  Albeyrak.

Maryan Aweys Jaamac , wasiirka dekedaha iyo gaadiidka badda Soomaaliya ayaa soo dhaweysay qalabka cusub ee dekedda lagu soo kordhiyay,iyadoo usoo jeedisay shirkadda gacanta ku haysa maamulka dekedda inay ka shaqeyso sidii loo horumarin lahaa dekedda oo ay uga mid noqon lahayd dekedda ugu wanagsan ee gobolka.

Maareeyaha shirkada Albeyrak ,Sami Erol ayaa dhankiisa sheegay in qalabkaan  uu wax badan ka tari doono howlaha shaqo ee ka socda Dekedda, islamarkaan maraakiibta waaweyn ee sida Xamuulka ay ku soo xiran kaaran.

Munaasabadda lagu soo bandhigay qalabka cusub ayaa laga sheegay inay ka howlgalli doonan dhalinyaro Soomaaliyeed oo aqoon u leh  socdaalka iyo hagida Maraakiibta waa weyn ee ku soo xirta dekadda Muqdisho.

Dekedda Muqdisho waa isha dhaqaalaha ugu weyn ee dowladda Soomaaliya,arrinta oo ku qasbaysa maamulka gacanta ku haya dekedda inay ka shaqeeyaan horumarinta dekedda, sida ay sheegtay wasiirka Maryan Aweys.

Iman Mohamed Jama, Hiiraan Online
[email protected]











Click here
12/8/2018 2:20 PM EST
Sabti, December, 08, 2018 (HOL)- Ra’iisul wasaaraha xukuumadda federaalka Soomaaliya, Xasan Cali Khayre ayaa hoygiisa qado ugu sameeyay guddiga madaxa bannaan ee dib-u-eegista dastuurka, guddiga labada aqal ee dib-u-eegista iyo la socodka arrimaha dastuurka iyo wasiirka arrimaha dastuurka.

12/8/2018 2:16 PM EST
Sabti, December, 08, 2018 (HOL)- Wasiirka Waxbarashada Hiddaha iyo Tacliinta Sare ee Xukuumadda Federaalka Soomaaliya, Cabdullaahi Goodax Barre ayaa maanta xafiiskiisa magaalada Muqdisho kulan kula qaatay madax ka socota jaamacadda Afrika ee xarunteeda ay tahay dalka Suudaan.

12/8/2018 2:11 PM EST
Sabti, December, 08, 2018 (HOL)- Gabdho Soomaali ah oo si iskood ah isku xilqaamay oo ka socda magaalada Melbourne ee dalka Australia ayaa gargaar caafimaad ka wada qeyba ka mid ah Soomaaliya.

12/8/2018 2:02 PM EST
Sabti, December, 08, 2018 (HOL)- Guddoomiyaha Baarlamaanka Soomaaliya,Maxamed Mursal Sheekh Cabdiraxmaan ayaa kulamo gaar gaar ah maanta la qaatay safiirrada Ingiriiska iyo Sacuudi Carabiya u fadhiya magaalada Muqdisho.

12/8/2018 1:34 PM EST
Sabti, December, 08, 2018 (HOL)- Musharraxa Madaxweynaha Puntland ee doorashada 2019 ,Mudane Cali Xaaji Warsame oo socdaal ku maraya gobollada Puntland ayaa maanta lagu soo dhaweeyey magaalada Qardho.

12/8/2018 12:44 PM EST
Sabti, December, 08, 2018 (HOL)- Shirka dib-u-eegista nabadda ayaa maanta lagu qabtay magaalada Gaalkacyo,iyadoo ujeedka shirka uu ahaa qiimeyn ku aaddan waxyaabihii u qabsoomay guddiyada isku dhafka ee labada dhinac iyo maamullada degmada iyo gobolka.

12/8/2018 10:14 AM EST
Sabti, December, 08, 2018 (HOL)- Munaasibad aad u balaadhan oo lagu qabtay magaalada Taleex ee gobolka Sool ayaa laga soo saaray qodobo dabar looga dhigay nabad waarta oo soo gabagabaysa colaad ku dhowaad toban sano ka taagnayd halkaas.

12/8/2018 9:46 AM EST
Sabti, December, 08, 2018 (HOL)-Kulankan oo ka dhacay xarunta aqalka martida Jubbaland ee magaalada Kismaayo ayaa waxaa ka qeybgalay qeybaha kala duwan ee ururrada bulshada rayidka ah ee Jubbaland, sida Ururrada Jaamacadaha, Aqoonyahannada, Dhalinyarada, haweenka, Ganacsatada, Culumaa’udiinka iyo qeybaha kala ee bulshada.

12/8/2018 6:20 AM EST
Sabti, December, 08, 2018 (HOL)-Guddoomiyaha Baarlamaanka Soomaaliya Maxamed Mursal Sheekh C/raxmaan ayaa ka hor-yimid kala diridii uu Guddoomiye kuxigeenka 1aad ee Golaha Shacabka ku sameeyay Guddigii Maaliyadda iyo La xisaabtanka Hey’addaha dowladda.

12/8/2018 4:18 AM EST
Sabti, December, 08, 2018 (HOL)- Ra'iisal wasaaraha dalka Itoobiya Abiy Ahmed ayaa si diiran ugu soo dhaweeyay gobolka Oromiya magaalada Jimma madaxweynayaasha dowladdaha Jabuuti iyo Sudan, Ismaaciil Cumar Geelle iyo Cumar Xassan Al-Bashiir

12/8/2018 3:24 AM EST
Sabti, December, 08, 2018 (HOL)-Dowladaha Mareykanka iyo Ingriiska ayaa ku eedeeyey Dowladda Siiriya iyo Xulufadeeda ee Ruushka in ay been abuurteen wararka sheegaya in kooxaha falaagada dalkaasi Siiriya ay sunta Kiimikada ah ay u adeegsadeen dad shacab ah,taasi oo ay wax kama jiraan ku tilmaameen.

12/8/2018 3:16 AM EST
Sabti, December, 08, 2018 (HOL)-Jabhada ONLF oo muddo ka badan 30 sano dagaal kula jirtay dowladda Itoobiya ayaa hadda sheegtay in halgankeedii u badali doonto qaab nabadeed.

12/8/2018 12:21 AM EST
Sabti, December,08,2018 (HOL)- Hay’adda cunadda adduunka ee marka magaceeda lasoo gaabiyo loo yaqaano WHO ayaa sheegtay in xaalada Bini’aadanimo midii ugu xumeyd in ay ka jirto dalka Yemen oo dagaallo sukeeye ay ragaadiyeen.

12/8/2018 12:13 AM EST
Sabti, December, 08, 2018 (HOL)-Wasiirka Wasaarradda arrimaha dibedda Somaliland Yaasiin Xaaji Maxamuud Farratoon ayaa sheegay in Somaliland mar walba diyaar u tahay wada hadal ay la gasho Soomaaliya.