Xildhibaannada Baarlamaanka oo codka kalsoonida u qaadaya mooshinka ka dhanka ah guddoomiye Jawaari
Isniin, April, 09, 2018 (HOL ) – Kulanka oo ah mid xasaasi ah ayaa la filayaa in
xildhibaannada Golaha Shacabka ka yeeshaan mooshinka ka dhanka ah guddoomiyaha
Golaha Shacabka Prof Maxamed Cismaan Jawaari.
Guddoomiye ku xigeenka koowaad ee golaha Shacabka
C/wali Ibraahim Muudeey ayaa shalay gelinkii dambe xildhibaanada u kala diray
fariin ah in maanta oo Isniin ah uu jiro kulanka Baarlamaanka, Ajandihiisana uu
yahay cod u qaadista mooshinka ka yaalla guddoomiye Jawaari.
Inkastoo kulamo badan oo hore dibb u dhac ku
yimid haddana , balse kulanka maanta ayaa ayeey u badan tahay in uu qasoomo,
xildhibaannaduna cod galiyaan mooshinka laga keenay guddoomiye Jawaaari,
madaama lagu guul-dareysatay dadaallo la doonayay in xiisada lagu qaboojiyo.
Ciidamada ammaanka ayaa xalay saq dhexe waxa ay
xireen wadooyinka waa weyn ee Muqdisho, gaar ahaan waxaa aad lo adkeeyay
ammaanka Waddada Maka Al-mukarama oo gasha Madaxtooyada.
Dadka shacabka ah ayaa aad u hadal haya kulanka
maanta ee xildhibaanada, waxaana laga cabsi qabaa in maanta uu gacan ka hadal
ka dhaco xarunta Golaha Shacabka, maadaama xildhibaanada ay laba u kala qeybsan
yihiin.
C/raxmaan Diini,
Hiiraan Online
[email protected]
