Sabti, April, 07, 2018 (HOL) – Ra’iisul wasaaraha cusub ee
dalka Itoobiya Dr Abiy Ahmed ayaa booqashadiisii ugu horeysay ku tagey
magaalada Jigjiga kadib markii uu la wareegay talada dalka Itoobiya.
Dr Abiy ayaa magaalada Jigjiga wadahadalo kula
yeeshay madaxweynaha dowlad deegaanka Soomaalida Cabdi Maxamuud Cumar.
Rai’sal wasaare Abiy oo ay weheliyaan madax ka
socota dowladda federaalka ee Itoobiya ayaa sidoo kale lagu wadaa inay la
kulmaan odoyaal dhaqameedyada Soomaalida, si ay uga wadahadlaan xasiloonida,
amniga iyo sidii loo xalin lahaa isku dhacyada u dhaxeeya Soomaalida iyo
Oromada.
Dr Abiy Ahmed ayaa dhawaan loo dhaariyay ra’iisul
wasaaranimada dalka Itoobiya kaddib markii uu si kadis ah isu casilay Hailemariam Desalegn.
Ujeedada uu Abiy ugu hor maray
Jigjiga safarkiisan uu ku tagay meel ka baxsan Addis Ababa ayaa lagu sheegay in
uu u muujiyo Shacabka Soomaalida niyad wanaag, iyadoo la og-yahay in qalalaase
dad badanni ku dhinteen uu dhaxmaray qowmiyadaha Soomaalida iyo Oromada uu
ra’iisal wasaaruhu ka soo jeedo.
C/raxmaan Diini,
Hiiraan Online
[email protected]
