Jimco, , April, 06, 2018 (HOL) - Qarax loo
maleynayo in uu ahaa Ismiidaamin ayaa goor
dhaw dhacay KM4 gaar ahaan Koontaroolka ku dhaw xarunta shirkadda Sahal waddada
gasha garoonka diyaaradaha magaalada Muqdisho
Qaraxan oo nuuciisa lagu sheegay in loo
adeegsaday gaari wax-yaabaha qarxa laga soo buuxiyay ayaa waxa uu si gaar ah
uga dhacay Barta-Kontorool ee ciidamada nabad Sugidda ay ku leeyihiin halkaa.
Goobjoogayaal ayaa warbaahinta u sheegay in qaraxa loo adeegsaday NOAH oo uu kaxeynayay nin isa soo
miidaamiyay.
Inta la xaqiijinayo qofkii ismiidaamiyaha ahaa ayaa ku geeriyooday, iyadoo sidoo kalana ay dhawacmeen labo askari oo ka tirsan ciidamadii ku sugnaa Koontaroolka.
Qaraxan ayaa lagu soo beegay xili inta badan
dadku ay ku jireen Salaada Jicmaha, inta badanna goobta uu qaraxu ka dhacay ayaa
aheyd mid aysan dad badan ku sugneyn.
Lama oga khasaaraha ka dhashay Qaraxan oo siweyn dhawaqiisa looga maqlay inta badan magaalada.
C/raxmaan Diini,
Hiiraan Online
[email protected]