Amaanka Muqdisho oo siweyn loo adkeeyay iyo Xildhibaannada Golaha Shacabka oo maanta shiraya
Arbaco, April, 04, 2018 (HOL)-Amaanka
magaalada Muqdisho ayaa siweyn loo adkeeyay laga soo bilaabo xalay waxaana
xiran dhamaanba jidadka halbowlaha u ah
isku socodka dadka iyo gadiidka oo la dhigay ciidamo ku hubeysan gadiidka
dagaalka.
Xirnaashaha caasimada ayaa
imaneysa xili maanta lagu waddo in kulan xasaasi ah xarunta Golaha Shacabka ku
yeeshaan xildhibaannada Baarlamaanka kuwaa oo siweyn ugu kala aragti duwan
Ajandaha kulanka maanta.
Xildhibaannada qaar ayaa qaba
ayaa qaba in Ajandaha saakay uu noqonayo ka dooddista mooshinka guddoomiyaha Golaha Shacabka, halkaa dhinaca kale xildhibaannada
taaageersan guddoomiyaha ay halkaa u tagayaan in Baarlamaanku dood ka yeesho
xiisada Beled-Xaawo.
Markii ugu horeysay kaddib
salaadii subax ee saakay ayaa xarunta Golaha Shacabka lagu arkay xildhibaanno
ka tirsan Golaha Shacabka oo halkaa sii xadiray, taasoo muujineysa in kulanka
maanta uu dhacayo, iyadoo dadka ay siweyn wadnaha farta uga hayaan waxa ka soo
bixin kara xildhibaannada ku kala aragti duwan Ajandaha fadhiga Golaha.
Wixii warar ah ee ka soo kordha
waan idin soo gudbin doonnaa..
C/raxmaan Diini,
Hiiraan Online
[email protected]
