3/28/2024
Today from Hiiraan Online:  _
Wararka Maanta- Isniin, Apr 30, 2018
Qaraxyo Ismiidaamin ah oo ka dhacay magaalada Kapul

 

Isniin, April, 30, 2018 (HOL) – Ilaa 21 ruux ayaa lagu aramayaa in ay ku geeriyoodeen weerar Ismiidaamin ah oo goor dhaw ka dhacay magaalada Kapul ee dalka Afgahistan, waxaana dadka dhintay ka mid ah Afar Wariye.

Saraakiisha ayaa gobolka ayaa sheegay in qaraxyada ay ka dhaceen Aaga Shashdarak oo ka tirsan caasimadda dalkaasi ee Kapul.

Qaraxa hore oo ahaa Qof Naftii halige ah oo isku soo xiray walxaha Qarxa ayaa isku qarxiyay xarun Laamaha amaanka Afganistan ay leeyihiin oo ku taalo magaalada Kapul, sida laga soo xigtay Afhayeen u hadlay wasaaradda Arrimaha gudaha dalkaasi.

Sidoo kale, Qaraxa labaad oo ku dhacay 20-daqiiqo gudahooda kaddib Qaraxii koowaad ayaa saameynta ugu ballaaran waxay ka soo gaartay kooxo Gurmad Caafimaad iyo wariyeyaal goobta soo gaaray, sida warbixintu ay sheegeyso.

Afhayeenka Wasaaradda caafimaadka ee dalka Afgaanistaan ayaa sheegay in weerarka ay ku dhinteen ku dhawaad 21-ruux halka 27-kale ay ku dhaawacmeen.

Wakaalada Wararka ee AFP,ayaa ku warantay in Wariye sawir qaade u ahaa,Shah Marai,uu ka mid noqday dadka ay qaraxyada waxyeelo ka soo gaartay.

Ilaa iyo hadda ma cada cida ka danbeysay Qaraxyada ka dhacay magaalada caasimadda ah ee Kabul oo ku soo aadayxilli subax hore ay tahay oo dadka ay shaqooyin iyo waxbarashada ay u jarmaadayeen.

C/raxmaan Diini, Hiiraan Online
[email protected]













Click here
4/30/2018 12:18 PM EST
Isniin, April, 30, 2018 (HOL)–Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa hambalyo u diray Guddoomiyaha cusub ee loo doortay Golaha Shacabka Mudane Maxamed Mursal Sheekh C/raxmaan.

4/30/2018 10:00 AM EST
Isniin, April, 30, 2018 (HOL)– Doorasho xiiso badan oo xildhibaannadu labo wareeg oo codeyn ah mareen ayaa ugu danbeyntii waxaa ku guuleystay guddoomiyaha Golaha Shacabka Maxamed Mursal Sheekh Cabdiraxmaan oo horay u ahaa Wasiirkii gaashaandhigga xukuumadda Soomaaliya.

4/30/2018 7:58 AM EST
Isniin, April, 30, 2018 (HOL)–Madaxweynaha dowladda Soomaaliya Maxamed Cabdullaahi Farmaajo goor dhaw gaaray magaalada Beledweyne ee xarunta gobolka Hiiraan oo dhawaan ay ku dhufatay fatahaad ka dhalatay Wabiga Shabeelle iyo Roobab xoog leh oo ka da’ay gobolka iyo deegaannada ku dhaw dhaw.

4/30/2018 7:38 AM EST
Isniin, April, 30, 2018 (HOL)–Waxaa soo dhamaatay wareegii koowaad ee doorashada guddoomiyaha Golaha Shacabka oo ay ku tartameen ilaa 10 musharax oo ka tirsan Baarlamaanka Soomaaliya.

4/30/2018 4:52 AM EST
Isniin, April, 30, 2018 (HOL)–Xarunta Golaha Shacabka waxaa goor dhaw ka bilaabatay doorashada guddoomiyaha Golaha Shacabka kaddib markii 9 bisha April uu xilka ka degay guddoomiyihii hore ee Baarlamaanka Prof Maxamed Cismaan Jawaari.

4/30/2018 2:46 AM EST
Isniin, April, 30, 2018 (HOL)-Xarunta Golaha Shacabka waxaa ka socta qabanqaabo loogu jiro doorashada guddoomiyaha Golaha Shacabka oo ay u sharaxan ilaa 11 xildhibaan oo ka tirsan mudanayaasha Baarlamaanka.

4/30/2018 2:26 AM EST
Isniin, April, 30, 2018 (HOL)-Saraakiisha ciidamada dowlad gobolleedka Puntland ayaa sheegay in ay isku soo dhiibeyn ciidamo militarii ah oo ka soo goystay Soomaaliland.

4/30/2018 12:32 AM EST
Isniin, April, 30, 2018 (HOL)–Waxaa siweyn loo adkeeyay amaanka xarunta Golaha Shacabka, maadaama maanta oo Isniin ah ay dhaceyso doorashada Gudoomiyaha Golaha Shacabka.

4/30/2018 12:07 AM EST
Isniin, April, 30, 2018 (HOL)–Waxaa lagu wadaa maanta oo Isniin ah in magaalada Muqdisho lagu qabto doorashada guddoomiyaha Baarlamaanka Golaha Shacabka oo ay u tartamayaan ilaa 11 Musharax.