3/28/2024
Today from Hiiraan Online:  _
Wararka Maanta- Talaado, Apr 3 , 2018
Mareykanka oo sheegay in uu duqeyn ku dilay Shan dagaalyahan oo ka tirsan Al-shabaab

 

Talaado, April, 03, 2018 (HOL) – Taliska ciidamada Mareykanka Africa ee (AFRICOM) ayaa sheegay Duqeyn ka dhacday gelinkii dambe ee Axadii ina dhaaftay meel u dhow degmada Ceelbuur ee Gobolka Galguduud in ay ku dileen Shan dagaalame oo ka tirsanaa ururka Al-shabaab.

Mareykanka wuxuu sheegay duqeyntaasi oo dhacday 1dii bishan in lala beegsaday fariisin ay ku sugnaayeen xubno ka tirsanaa ururka Al-shabaab, aysana jirin khasaare dadka rayidka ah ka soo gaaray weerarkaasi.

“Waxaan xaqiijineynaa inaanan rayid ku dilin weerarkan, Shan Argagixisada ka tirsanaa ayaan dilnay, Ciidamada Mareykanka waxay diyaar u yihiin in ciidamada Qaranka ay ka caawiyaan sidii ay dalka uga saari lahaayeen xoogaga urura Al-shabaab” ayuu yiri Afhayeen u hadlay Taliska Mareykanka ee (AFRICOM).

Sidoo kale Mareykanka ayaa sheegay inuu sii wadi doono talaabooyinka la xiriira Duqeymaha ay fulinayaan ee horey loo ansixiyay, si loo ilaaliyo ammaanka Muwaadiniinta Mareykanka iyo in la joojiyo khataraha Argagixisada.

Xoogaga ururka Al-Shabaab oo duqeyntan dhankooda ka hadlay ayaa waxa ay sheegeen in dhowr gantaal lala beegsaday gaari ay saarnaayeen dad shacab ah, laguna dilay ilaa saddex qof oo laba ka mid ah ay ahaayeen rag, halka mida kalena ay aheyd haweeney.

Mareykanka ayaa sanadkii tagay 2017-kii Soomaaliya ka fuliyay wax ka badan 30 weerar waxaana ay ka badan tahay weerarradii Mareykanka uu ka fuliyay Soomaaliya Sideeddii sano ee uu Madaxweynaha ahaa Brack Obama.

C/raxmaan Diini, Hiiraan Online
[email protected]













Click here
4/3/2018 12:53 PM EST
Arbaco, April, 04, 2018 (HOL)-Khilaafka Guddoonka iyo Xildhibaannada Golaha Shacabka oo u muuqday mid sii shiiqaya wixii ka danbeeyay Sabtidii aynu soo dhaafnay kaddib markii madaxweynaha dowladda Soomaaliya Maxamed Cabdullaahi Farmaajo uu dib u dhigay kulan ay yeelan lahaayeen xildhibaannada iska soo horjeeda, ayaa mar kaliya saacadihii ugu danbeeyay ee maanta cirka isku shareeray.

4/3/2018 12:18 PM EST
Arbaco, April, 04, 2018(HOL)- Warar goor dhaw naga soo gaaray degmada Wadajir ee gobolka Banaadir ayaa sheegaya in qarax culus uu ka dhacay Isgoyska Danwadaagta sida ay Hiiraan Online u xaqiijiyeen dad goob joogayaal ah.

4/3/2018 9:54 AM EST
Arbaco, April, 04, 2018 (HOL) – Aqoon kororsi loo sameynayo suxufiyiinta ku sugan gobolka Mudug ayaa lagu soo gabagabeeyay maanta magaalada Galkacyo halkaasoo lagu tabababary suxufiyiinta da’ yarta ah oo ka howl gala qeybaha kala duwan ee warbaahinta dalka.

4/3/2018 9:46 AM EST
Arbaco, April, 04, 2018 (HOL)- Guddoomiyaha Golaha Shacabka Prof Maxamed Cismaan Jawaari oo shir jaraa’id ku qabtay xafiiskiisa ayaa warbaahinta u sheegay in madaxweynaha uu ku guuldareystay in uu dhaxdhaxaadiyo dhinacyada uu khilaafku u dhaxeeyo ee Baarlamaanka Soomaaliya.

4/3/2018 8:35 AM EST
Talaado, April, 03, 2018 (HOL) Kulankan oo uu shir gudoominayo Madaxweyne Farmaajo ayaa waxaa diirada lagu saarayaa sida ay inoo xaqiijiyeen ilo ku dhaw dhaw Madaxtooyada Arriamaha Amaanka Magaalada Muqdisho oo Maalmihii ugu dambeeyay sii xumaanayay.

4/3/2018 7:58 AM EST
Talaado, April, 03, 2018 (HOL)-Ciidamada maamulka Koonfur Galbeed ayaa lagu soo waramayaa in ay gacanta ku dhigeen xubno ka tirsan Al-shabaab kuwaa soo waxyaabaha qarxa u Aasaayay waddada u dhaxeysa magaalada Baydhabo iyo degaanka Daynuunay.

4/3/2018 4:19 AM EST
Talaado, April, 03, 2018 (HOL)-Dowladda Uganda ayaa ku gacanseyrtay in Al-shabaab awood u leeyihiin in ay weerareen magaalada Kampala ee dalka Uganda sida uu sheegay afhayeen u hadlay militariga dalkaas Brigadier Richard Karemire.

4/3/2018 2:31 AM EST
Talaado, April, 03, 2018 (HOL)-Maxamed Bin Salmaan oo ah dhaxal sugaha Boqortooyada Sacuudiga ayaa markii ugu horeysay sheegay in Israa'iil ay xaq u leedahay in ay dal yeelato.

4/3/2018 12:33 AM EST
Talaado, April, 03, 2018 (HOL)–Inkastoo madaxweynaha dowladda Soomaaliya Maxamed Cabdullaahi Farmaajo Sabtidii aynu soo dhaafnay uu dib u dhigay kulan ay yeelan lahaayeen xildhibaannada Golaha Shacabka kaddib khilaaf xoog leh oo soo kala dhaxgalay xildhibaannada, haddana dhinaca kale waxaa wali muuqanaya in uu jiro khilaaf u dhaxeeya guddoonka sare ee Baarlamaanka.

4/3/2018 12:19 AM EST
Talaado, April, 03, 2018 (HOL)–Jaaliyadda Soomaaliyeed ee magaalada Columbus Ohio ayaa sameeyay kulan dhaqaalo loogu aruurinayay Isbitaalo loo dhisayo Hooyadda iyo Dhalaanka ee magaalooyinka Widhwidh iyo Awrboogays ee goboladda Sanaag iyo Cayn.

4/3/2018 12:06 AM EST
Talaado, April, 03, 2018 (HOL) –Abaandullaha ciidamada xoogga dalka Soomaaliyeed Jen Cabdullaahi Cali Caanood oo warbaahinta la hadlay ayaa sheegay in weerarkii maalin ka hor ka dhacay deegaanka Buula-Mareer ee gobolka Shabeellaha Hoose ku dileen ku dhawaad 66 xubnood oo ka tirsan sida uu hadalka u dhigay xooggii Al-shabaab ee weerarka soo qaaday.