Waare : Xaalada Bani’aadannimo ee magaalada Beledweyne waa mid awoodeena ka baxsan
.bmp)
Sabti,, April, 28, 2018 (HOL) - Madaxweynaha
Maamulka Hir-Shabeelle Maxamed Cabdi Waare oo warbaahinta ayaa sheegay in marka
la eego xadiga xaalada bani’aadannimo ee magaalada Beledweyne tahay mid ka
baxsan awooda maamulka una baahan gurmad xeer caalami ah.
Ciidamada AMISOM ee ka kala socda Jabuuti iyo
Itoobiya, iyo Ciidamada Dowladda oo isugu jiro Booliis iyo militari ayuu sheegay
in aanan u kala harin gurmadka dadka looga saarayo xaafadooda.
Waxaa in dadka ka baxaya magaalada aysan uga sii
horeyn halka ay u barakacayaan Hoy, Cunno iyo Biyo ay noloshooda ku sii
maareeyaan.
Dowladda iyo hay’adaha gar-gaarka ayuu ugu baaqay
in aysan ka indha ka laaban xaalada, hadii kalana ay dhici karto xaalada ka sii
darto halka ay hadda mareyso.
Dhinaca kale xaafadaha Kooshin, Xaawo taako,
Buundo weyn iyo Howl wadaag ayaan xala helin wax koronto, kaddib markii qof uu
ku dhintay danab ka dhashay korontoda, madaama ay dhulka soo dhaceen qaar ka
mid ah baalayaashii ay sii marayeen xergaha korontada.
C/raxmaan Diini, Hiiraan Online
[email protected]
