3/28/2024
Today from Hiiraan Online:  _
Wararka Maanta- Khamiis, Apr 26, 2018
Cabdiwali Muudeey oo soo bandhigay dastuurkii uu horay u sheegay in la xaday

 

Khamiis, April, 26, 2018 (HOL) –Ku-simaha guddoomiyaha Golaha Shacabka Cabdiwali Ibraahim Muudeey ayaa maanta xildhibaannada Baarlamaanka u qeybiyay Dastuurkii uu horay u sheegay in la xaday.

Xildhibaanada ayaa loo qeybiyay nuqulkan oo ay ka muuqdeen qodobo ay isku raaceen lixdii Hoggaamiyeyaasha saxiixayaasha Road Map-kii dalka looga saarayay Kumeel gaarka.

Nuqulka Dastuurkan uu manta soo bandhigay guddoomiye Muudeey ayaa qodobada ku qoran qaarkood waxaa ka mid ah in muddada xil heynta madaxweynaha 5-sano, halka Dastuurka KMG ee xilligan lagu dhaqmayo uu yahay 4 sano.

Sidoo kale qodobka kale ayaa ka mid ah in madaxweynaha uu kala diri karo Baarlamaanka, waxaana dastuurkan nuqulka ah ee uu soo bandhigay Guddoomiye Muudey la filayaa in uu ka dhasho doodo.

Xildhibaan Cali Balcad oo soo noqday Agaasimaha Madaxtooyada dowladdii Xasan Sheekh ayaa sheegay in docementiga maanta loo qeybiyay uu yahay midkii ay saxiixeen lixda hoggaamiye ee saxiixayaasha hab raacii dalka looga gudbayay xilliga KMG, isla markaana uu ahaa heshiis siyaasadeed, kaasoo markii dmabe loo gudbiyay Ergo gaareysay 850 ergo, kuwaasoo ansixiyay dastuurka saxda ahaa ee dalka lagu soo maamulayay lixdii sano ee la soo dhaafay.

Balse waxaa uu su’aal galiyay waxa xilligan loo gelinayo shakiga Aas aaskii uu Qaranka ku taagnaa, iyadoo dalka uu wajahayo mushkilado aad u ballaaran oo ay ugu weyn tahay xiisada siyaasadeed ee ka dhex taagan Soomaaliya iyo Imaaraadka Carabta.

Arrintan ayaa noqon karta qalalaase kale dastuuri ah madaama marka leysku eego Nuqulka Dastuurka la soo bandhigay ee la sheegay in la xaday in kan hadda lagu dhaqmayo wax badan ku kala duwan yihiin, gaar ahaan marka la eego muddada uu xilka heynayo madaxweynaha Soomaaliya.

 

C/raxmaan Diini, Hiiraan Online
[email protected]













Click here
4/26/2018 11:15 AM EST
Khamiis, April, 26, 2018 (HOL)-Waxaa maanta oo Khamiis ah la soo gaba gabeeyay dhageysiga khudbadaha Musharixiinta u taagan qabashada xilka Guddoomiyaha Golaha Shacabka.

4/26/2018 7:44 AM EST
Khamiis, April, 26, 2018 (HOL)-Maxkamada gobolka Marood Jeex ee Somaliland ayaa maanta shan sanno oo xadhig ah ku xukuntay boqor Cismaan Maxamuud Buurmadow oo dacwadiisu socotay isagoo dibadda joogga.

4/26/2018 6:24 AM EST
Khamiis, April, 26, 2018 (HOL )- Madaxweynaha dowlad gobolleedka Puntland Cabdiwali Maxamed Cali Gaas oo warbaahinta caalamka kula hadlayay magaalada Dubai ayaa sheegay in Puntland u madax-bannaan tahay in ay gasho heshiisyo caalami ah sida uu dhigayo ayuu yiri dastuurka dowlad gobolleedka.

4/26/2018 3:10 AM EST
Khamiis, April, 26, 2018 (HOL)-Shirkii Amniga Soomaaliya ee ka dhacay Magaaladda Garoowe ee u dhaxeeyey Wasaaradda Amniga Gudaha Soomaaliya iyo Madaxda wasaaradaha Dowlad goboleedyada ayaa soo gabagaboobay waxaana laga soo saaray war-murtiyeed ka kooban 13 qodob.

4/26/2018 2:57 AM EST
Khamiis, April, 26, 2018 (HOL )- Maxkamadda Ciidamada Qalabka Sida ee Maamulka Jubbaland ayaa la horgeeyay dacwad ka dhan ah C/laahi Asad Ismaaciil oo ku eedeysan in uu magaalada Kismaayo ku dilay 14-kii bishan April Xaaskiisa oo lagu magacaabi jiray Muxubo Maxamed Guure.

4/26/2018 1:55 AM EST
Khamiis, April, 26, 2018 (HOL)-Saynisyahanno Shiinays ah ayaa sheegay in ay qayb ahaan duntay xaruntii ay Kuuriyada Waqooyi ku tijaabin jirtay hubka nukliyeerka ah, taas ka dhigi karta mid aan la adeegsan karin.

4/26/2018 1:22 AM EST
Khamiis, April, 26, 2018 (HOL)-Sida uu qorshaha yahay maanta oo Khamiis ah ayaa lagu wadaa in la soo gaba gabeeyo dhageysiga khudbadaha Musharixiinta u taagan qabashada xilka Guddoomiyaha Golaha Shacabka.

4/26/2018 1:10 AM EST
Khamiis, April, 26, 2018 (HOL )- Dowladda Federaalka Soomaaliya ayaa waxa ay sheegtay in ay cadeyneyso heshiiska saxaafadda laga sheegay ee lala galay shirkadda SKA inuusan aheyn mid waafaqsan habraaca dowliga ah ee ay dejisay wasaaradda Maaliyadda Xukuumadda Federaalka Soomaaliya.