3/28/2024
Today from Hiiraan Online:  _
Wararka Maanta- Talaado, Apr 24, 2018
Ciidamo Militari ah oo la wareegay dugsiga tababarka Jen Gordan

 

Talaado, April, 24, 2018 (HOL) - Afaafka hore iyo dhamaan agagaarka Xerada General Gordan ee shalay ciidamo ka wada tirsan dowlada Soomaaliya ay ku dagaalameen ayaa maanta lagu arkayay ciidamo milatari aad u tababaran oo wato gaadiidka Gaashaaman.

Mar aan saakay soo hormaray halkaasi ayaa indhaheygu qabanayeen tiro ciidan ah oo halkaasi amniga sugayo islamarkaana diidayay xitaa in ay gaagiidka dadweynaha halkaasi istaagaan.

Saraakiil ka tirsan ciidamada xoogga dalka Soomaaliyeed ayaa Warbaahinta u sheegay in ciidamada Milatariga ee sida gaarka ah u tababaran lagu wareejiyay xerada ciidamada Jeneral Gordan ee Imaaraadka ay ku tababari jireen ciidamada Soomaalida.

Wararka qaar ayaa sheegayo in Xalay fiidkii lagu wareejiyay ciidamada xooga dalka Soomaaliya ee loo yaqaano Danab Xerada Gordan ee degmada Hodan, waxaana halkaasi lagu arkaayay gaadiidka gaashaaman ee ciidankaan ay wataan.

Ciidamadii Imaaraadka ay tababareen ee xeradan ku sugnaa, ayaa sida la sheegay noqday kuwa la xiray iyo kuwa baxsaday, kaddib dagaalkii shalay ka dhacay xeradaasi.

Taliyaha ciidamada xoogga dalka Soomaaliya Cabdiwali Jaamac Gorod, ayaa sheegay in la soo xiray tiro askar ah oo isku dayday inay saanad militari kala baxaan xeradaasi.

Si kastaba ahaataba madaxda ugu sareysa dalka ayaa si wayn uga carootay falkii shalay ka dhacay Xerada ciidamada Jeneraal Gordan oo maalmo ka hor Saraakiisha dowlada imaaraadka carabta ay ku wareejiyeen Taliska ciidamada xoogga dalka Soomaaliyeed.

Ilyaas Axmed Cilmi Guute
[email protected]
Muqdisho, Soomaaliya.














Click here
4/24/2018 5:15 PM EST
Talaado, April, 24, 2018 (HOL) - Liverpool ayaa xaqiijisay in ay tahay koox awood badan kaddib markii ay 5-2 ku xasuuqday Xidigaha kooxda Roma kaddib cayaar leysku arkay Garoonka Anfiel ee dalka Egland oo qeyb ka aheyd Afar dhamaadka Champions league

4/24/2018 12:29 PM EST
Talaado, April, 24, 2018 (HOL)-Dowladda Kenya ayaa diiday islamarkana is hortaag ku sameysay munaasabad maanta ka dhaci laheyd Nairobi oo lagu waday in uu khudbad ka jeedo Siyaasiga Cabdiraxmaan CabdiShakuur Warsame.

4/24/2018 12:16 PM EST
Talaado, April, 24, 2018 (HOL)-Ciidamada Booliiska Soomaaliya ayaa maanta magaalada Muqdisho ku soo bandhigay Jaamac Xusseen Xasan oo ay sheegeen in uu ka tirsanay kooxda Daacish.

4/24/2018 11:31 AM EST
Talaado, April,24,2018 (HOL)–Gaadiidleyda Somaliland ayaa muddooyinkii u dambeeyey ka cabanaya shiidaal xun oo gaadiidkii waxyeelo u soo gaystay.

4/24/2018 8:21 AM EST
Talaado, April, 24, 2018 (HOL) – Mid ka mid ah ganacsatada gobolka Hiiraan ayaa ku gacan seyray xilka guddoomiye ku-xigeenka maamulka iyo maamulka gobolka Hiiraan oo lagu shaaciyay wareegto ka soo baxday wasiirka arrimaha gudaha maamul gobolleedka Hirshabeelle Maxamed Cali Caadle.

4/24/2018 7:24 AM EST
Talaado, April, 24, 2018 (HOL)–Wasiirka Wasaaradda Gaashaadhiga Soomaaliya Maxamed Mursal Sheekh Cabdiraxmaan ayaa xilka iska casilay kaddib markii uu isku soo tagay qabasha xilka guddoomiyaha Golaha Shacabka.

4/24/2018 7:03 AM EST
Talaado, April, 24, 2018 (HOL) - Wasiirka Arrimaha dibedda iyo Iskaashiga caalamiga ah ee Soomaaliya Axmed Ciise Cawed iyo Safiirka Turkiga u jooga Soomaaliya Mr Olgan Bekar, ayaa maanta kulan ku yeeshay xarunta Wasaarada Arrimaha Dibada ee Magaalada Muqdisho waxaana si gaar ah ay uga wada hadlay habka loo xoojin karo wada shaqaynta Labada dal.

4/24/2018 4:17 AM EST
Talaado, April, 24, 2018 (HOL)-Booliiska dalka Maraykanka ayaa qabtay nin looga shakisan yahay in uu afar ruux ku dilay gobolka Tennessee.

4/24/2018 2:18 AM EST
Talaado, April, 24, 2018 (HOL)-Ilaa galinka danbe ee maanta ayaa lagu wadaa in la soo gaba gabeeyo is diiwaangelinta Musharaxiinta u tartameysa xilka Guddoomiyaha Golaha Shacabka.

4/24/2018 2:09 AM EST
Talaado, April, 24, 2018 (HOL)- Ilaa 10 ayaa la xaqiijinayaa in ay ku geeriyoodeen kadib markii la jiirsiiyay gaari iyagoo lugeynayay waddo ku taal magaalada Toronto ee dalka Canada.

4/24/2018 2:03 AM EST
Talaado, April, 24, 2018 (HOL)–Dagaal culus ayaa lagu waramayaa in xalay deegaanka Ceelasha Biyaha ee dulleedka Muqdisho uu ku dhaxmaray ciidamada howlgalka midowga Africa AMISOM iyo Al-shabaab.