Wasiir Xoosh oo ka hor yimid hadal ka soo yeeray guddiga doorashada guddoomiyaha Golaha Shacabka
Axad, April, 22, 2018 (HOL) – Kaddib markii xubnaha guddiga qabanqaabadda doorashadda
gudoomiyaha Baarlamaanka Soomaaliya ay sheegeen in xubnaha ka tirsan golaha wasiiradda
ee xilkaasi isku soo sharaxay iska casilaan marka hor xilka ay ka hayaan
xukuumadda ayaa arintaasi waxaa su’aallo ka keenay Wasiirka Dastuurka
Soomaaliya Cabdiraxmaan Xoosh Jibril.
Wasiir Xoosh ayaa sheegay in uu tartamikaro
qofkaste oo xildhibaan ah xataa haddii uu yahay Wasiir ka tirsan golaha
xukuumadda
Wasiir Xoosh ayaa xusay in marka qofka Wasiirka
uu ku guuleysto xilka guddoomiyaha uu markaas weynayo xilkiisa Wasiir-nimo.
“Qof Wasiir ah ahna Xildhibaan waa in uu iska
casilaa Wasiirnimada inta uusan u tartamin Guddoomiye-nimada Golaha Shacabka ?
Maya, Qodobka 59aad xarafka (c) wuxuu farayaa in shakshi xildhibaan ah uu jago
dowladeed oo ka baxsan Wasiirnimo uusan qaban karin, markii uu qabtana uu
jagadaas tanaasul ka yahay” ayuu yiri Xoosh.
Waxaa uu hadalkiisa intaasi kusii daray” Haddaba
qof wasiir ah wuu tartamin karaa, isagoon is casilin, laakin maalinta
Guddoomiye Golaha Shacabka uu noqdo, wasiirnimadii waa gubattaa”
Wasiirka wasaaradda Difaaca Xukuumadda Soomaaliya iyo Wasiirka Tamarta ayaa labaduba shaaciyay in ay u taagan yihiin qabashada xilka guddoomiyaha Golaha Shacabka.
C/raxmaan Diini, Hiiraan Online
[email protected]