3/29/2024
Today from Hiiraan Online:  _
Wararka Maanta- Jimco, Apr 20, 2018
Abuja : Shir dhaxmaray taliyayaasha ciidamada qaarada Africa iyo Mareykanka

 

Jimco, April, 20, 2018 (HOL) – Magaaladda Abuja ee dalka Nigeria, ayaa waxaa ku soo dhamaaday shirweyne socday muddo Saddex maalin ah, kaasi oo u dhaxeeyey taliyayaasha ciidamada difaaca Qaaradda Africa iyo dowladda Mareykanka.

Shirkasi Soomaaliya waxaa uga qeyb galay Taliyaha ciidamada xoogga dalka Soomaaliyeed Sarreeye Gaas C/wali Jaamac Gorod  iyo wafdi uu hoggaaminayo.

Shirka, ayaa intii uu socday waxaa looga hadlay xoojinta wada shaqeynta ka dhaxeysa Taliyayaasha iyo siddii ay isku dhaafsan lahaayeen qibradaha, tababarada dhanka ciidanka  iyo arrimo kale.

Taliyaha ciidamada xoogga dalka, Sarreeye Gaas C/wali Jaamac Gorod, ayaa intii uu ku sugnaa Magaaladda Abuja ee dalka Nigeria, kulmo gooni gooni ah waxaa uu la yeeshay Madax ay ka mid yihiin Kaaliye ku xigeenka xog-hayaha arrimaha dibadda Mareykanka ee u qaabilsan Africa Ambassador Stephanie S. Sullivan iyo taliye ku-xiggeenka taliska Mareykanka ee Africom.

 

Madaxda labada dhinac, ayaa  ka wada hadlay arrimo ay ka mid ahaayeen Taageeridda ciidamada xoogga dalka,  kordhinta dagaalka ka dhanka ah Al-shabaab, siddii looga caawin lahaa dowladda Soomaaliya dib u dhiska ciidamada xoogga dalka iyo wanaajinta xiriirka millatari ee ka dhaxeeya Soomaaliya iyo Mareykanka.

C/raxmaan Diini, Hiiraan Online
[email protected]













Click here
4/20/2018 2:46 PM EST
Jimco, April, 20, 2018 (HOL)–Wasiirka Wasaaradda Arrimaha dibada xukuumadda Soomaaliya Axmed Ciise Cawad ayaa sheegay in dowladda Soomaaliya dib ugu celin doonto Imaaraadka lacagtii dhawaan lagu qabtay garoonka diyaaradaha magaalada Muqdisho.

4/20/2018 12:34 PM EST
Jimco, April, 20, 2018 (HOL)–Xulka Kubadda Cagta Soomaaliya oo uu horkacayo Macalin Salaad ayaa u gudbay Semi Final tartanka Cecafa ciyaartoyda da’’doodu ay ka hooseyso 17 jirada.

4/20/2018 11:00 AM EST
Jimco, April, 20, 2018 (HOL)-Xisbiga muxaafadka ah ee KULMIYE ayaa jawaab ka bixiyey hadalkii ka soo yeedhay dhigiisa xisbiga WADDANI ee uu kaga hadlayey heshiishkii dekadda Berbera.

4/20/2018 10:50 AM EST
Jimco, April, 20, 2018 (HOL)-Arsene Wenger ayaa ku dhawaaqay in dhamaadka xilli ciyaareedka in uu ka tagi doono shaqada Tababarenimo ee Kooxda Arsenal muddo 22 sano oo uu soo ley-liyay.

4/20/2018 7:47 AM EST
Jimco, April, 20, 2018 (HOL) - Wasiirka Maaliyadda Soomaaliya Dr Cabdiraxmaan Ducaale Beyle oo ka qayb galay shirka looga hadlayay taakulaynta iyo cafinta deymaha Soomaaliya ee ku soo dhamaaday Washington DC ayaa rajo ka muujiyay shirka iyo natiijooyinka ka soo baxaya.

4/20/2018 2:35 AM EST
Jimco, April, 20, 2018 (HOL)–Shir caalami ah oo ay ka qeygalayaan Wakiilada dalalka Deeq bixiyeyaasha Mareykanka, Britain, Norway, QM, Midowga Yurub iyo IMF ayaa lagu qabtay xarunta Bankiga Aduunka Magaallada Washington ee dalka Mareykanka.

4/20/2018 12:49 AM EST
Jimco, April, 20, 2018 (HOL)–Boqorka dalka Swaziland Boqor Mswati III ayaa markii ugu horeysay ku dhawaaqay in uu bedelay magaca dalkiisa ee Swaziland una bixiyay “Boqortooyada eSwatini”.

4/20/2018 12:25 AM EST
Jimco, April, 20, 2018 (HOL)–Maamulka Somaliland ayaa faah faahin dheeraad ah ka bixiyay xariga Boqor Cismaan Buur-Madoow oo ay xabsiga u taxaabeen ciidamada habeennimadii xalay.