Sierra Leone Soomaaliya u soo dirtay ciidamo Booliis ah oo ka mid noqonaya howlgalka AMISOM
Arbaco, April, 18, 2018 (HOL) -
Ciidamo Booliis ah oo ka socda dalka
Sierra Leone ayaa lagu soo
dhaweeyay garoonka diyaaradaha magaalada, kuwaa markii danbe u sii gudbay
magaalada Kismaayo.
Ciidamada oo tiradoodu dhan
tahay 15 Askari waxaa ay qeyb ka noqon doonaan tayaynta iyo tababaridda ciidamada Booliiska ee ka howlgala Koonfurta
iyo Bartamaha Soomaaliya,iyagoo haatan si gaar ah ugu amba baxay Jubbaland.
Magaalada
Kismaayo ee xarunta KMG ee Jubbaland ayaa horey waxaa ugu sugnaa ilaa 15 saraakiil
oo boolis ah,kuwaasi oo ka socda wadanka Sierra Leone,iyadoo imaatinka 145
tan kalena lagu xoojinayo saraakiishaasi,waxaana tirada guud ay noqonaysaa ilaa
160 qof oo isugu jira saraakiil iyo askar boolis ah.
Ku-simaha taliyaha ciidanka Booliska AMISOM Christine Alalo, ayaa sheegay in ay sii xoojin
doonaan awood siinta iyo tayaynta ciidamo boolis ah oo ka tirsan
Jubbaland,kuwaasi oo horey booliska AMISOM ay u tababareen.
“Hawlgalkooda ayaa noqon doona dhiiri galinta ciidamada Booliiska Jubbaland. Sannadkii 2016-ka, waxaan tababar u siinnay 600
askari oo bilayska ah oo ka tirsan Jubbaland, Sierra Leone FPU waxay gacan ka
geysan doonaan sidii loo dhisi lahaa awoodna loogu siin lahaa howlahooda sugida Amniga,
“ayeey tiri Christine Alalo.
C/raxmaan Diini, Hiiraan Online
[email protected]
