Arbaco, April, 18, 2018 (HOL) –
Koox hubeysan ayaa xalay waxaa ay deegaanka
Carbiska oo ku dhaw degmada Afgooye ku dileen laba Askari oo ka tiran ciidamada
dowladda federaalka Soomaaliya.
Wararku waxaa ay sheegayaan in
ka hor dilka raggan hubeysan ridee rasaas badan oo ay ku kala eryeen dadka
shacabka ah ee halkaasi ku sugnaa, maadaama goobta ay aheyd maqaaxi lagu Shaaho,
kadibna waxa ay si toos ah u beegsadeen labada nin.
Toogashada kaddib
ayeey goobt isaga tageen, iyaga oo markii ay goobta isaga baxsanayeen rasaas ku furay Haweeney
goobta ku dhawayd inkastoo aanay rasaastaasi wax-yeeleyn.
Labada Askari ee la dilay ayaa
xilligaasi aanan wadan wax Hub ah, balse waxa ay dhexda ka fadhiyeen dad shacab
ah oo ku Shaaheynayay Maqaaxi yar oo ku taalla degaanka Carbiska.
Ciidamo hubeysan
oo ka tirsan Dowladda Federaalka ayaa tagay goobta waxayna qaadeen meydadka
raggii la dilay, si baaritaano loogu sameeyo, intaasi kadibna loo aaso.
Saraakiisha
Hay’adaha ammaanka ayaa si hoose inoogu sheegay labada Askari ee la dilay in
lagu kala magacaabi jiray Maxamed Cali Baashi iyo Cabdi Dhagool oo si weyn
looga garanayo deegaanka gaar ahaan Maxamed Cali Baashi wuxuu ka tiranaa
ciidamada Canshuurta.
Wararkii ugu dambeeyay
ee saakay naga soo gaaraya degaanka Carbiska ayaa waxa ay sheegayaan in
Ciidamada ay wadaan baaritaano amni xaqiijin ah, oo lagu dabagalayo Dableydii
dilka geystay oo degaanka ay ku sheegeen in ay ka tirsan yihiin ururka
Al-shabaab.
Inta badan Magaalada
Muqdisho iyo hareeraheeda waxaa ka dhaca dilal ay geystaan Rag Bastoolado ku
hubeysan, waxaana inta badan dilalka nuucaan oo kale ah fuliyay xoogag ka
tirsan Shabaab.
C/raxmaan Diini, Hiiraan Online
[email protected]
