Somaliland: Dooxa Aw Barkhadle oo sababay geeridda hal qof kaddib markii Daadad ku soo rogmadeen
Talaado, April, 17, 2018 (HOL)– Alla ha u naxariistee Maxamed
Cabdilaahi oo watay gaari nooca loo yaqaan Candho Maydle ayaa Dooxa
Aw Barkhadle ee u dhexeeya Hargeysa iyo Berbera ku qaaday kaddib markii daadad
waaweyn ku soo rogmadeen.
Gaarigan
ayaa gallay camuud badan oo biyuhu ku xidheen wadadda, kaddibna waxaa ku soo
rogmaday biyo badan, taas oo keentay in wadaddii ka riixo roobku, kaasi oo
sababtay geeridda marxuum Maxamed Cabdilaahi (Ina Caga-saydh), halka wiil kale
oo la socdayna laga soo badbaadiyey.
Waxaan
jidka ku soo maray iyadoo wakhtigaasi lagu mashquulsanaa in gaadhiga laga
saaro, iyadoo gaariga camuudii daadku waday dusha ka saareen.
Dooxyadda
Somaliland ayaa inta badan wakhtiyaddan Roobku sababaa dhimashadda dad faro
badan iyo khasaare dhaqaale, waxaana dadka safarka ku jira halis ku jiraan in
wakhtiyada uu roobku da’ayo ay dooxyadda ka gudbaan maadaama oo mar kasta la
filan karo in uu Roobku da’o.
Barkhad-ladiif M.
Cumar, Hiiraan Online
[email protected]
Hargeysa,
Somaliland.