3/28/2024
Today from Hiiraan Online:  _
Wararka Maanta- Talaado, Apr 17, 2018
In ka badan 11 Milyan oo Doollar oo lagu bixin doono dib u dhiska Kismaayo


Talaado, April, 17, 2018 (HOL) -Wafdi ka socday bangiga Adduunka, wasaaradaha qorsheynta iyo howlaha guud ee dowladda Soomaaliya oo shalay gelinkii danbe soo gaaray magaalada Kismaayo ayaa waxaa ay kulamo la lahaayeen madaxda Jubbaland, ayadoo kulamadaasi diiradda lagu saarayay mashaariic horumarineed oo laga fulin doono magaalada Kismaayo.

Wafdiga ayaa kulamo la qaatay Wasiiradda wasaaradaha Howlaha guud iyo guryeynta, Qorsheynta iyo xiriirka caalamiga ah, Amniga iyo Maaliyadda Jubbaland, waxaa sidoo kale kulan ka qeyb galay masuuliyiinta maamulka degmada Kismaayo kan gobolka J/hoose.

Wasaaradaha qorsheynta iyo howlaha guud ee dowladda dhexe ayaa soo bandhigay qorshey ay doonayaa in dib u dhis loogu sameeyo Kismaayo, kaa oo uu maalgelin doono Bangiga Adduunka.

Ku simaha Madaxweynaha, ahna Madaxweyne kuxigeenka 1-aad ee Jubbaland Mudane Max’uud Sayid Aadan oo saxaafadda la hadlay maanta kadib markii ay soo idlaadeen kulamada ayaa sheegay in la isku afgartay in mashaariicdan ay fuliso dowlad goboleedka Jubbaland, isagoo intaa ku daray in wax looga qaban doono dhinacyada nadaafadda, dhismaha biyo Mareenno iyo wadooyinka Laami ah, sidoo kale xaafadaha magaalada looga hirgelin doono Nalal.

Mashruucan ayay dowlad goboleedka Jubbaland sheegtay in ay ku bixi doonto in ka badan 11 Milyan oo Doollar.

Arrintan ayaa kusoo beegmeeysa ayadoo wasaaradda howlaha guud iyo guryeynta Soomaaliya ay hore u shaacisay in dowladda Turkiga ay magalaada Kismaayo ka bilaabi doono howlo dib u dhis ah oo lagu mataaneeynayo magaalada Antalya ee Turkiga iyo Kismaayo.

Xasan Nuur, Hiiraan Online
[email protected]
Kismaayo-Soomaaliya.













Click here
4/17/2018 4:01 PM EST
Talaado, April, 17, 2018 (HOL)– Madaxweynaha Soomaaliya Maxamed Cabdullaahi Farmaajo oo ay weheliyaan abaanduulaha Ciidamada Xoogga Dalka Jeneraal Cabdillaahi Cali Caanood, Taliyaha Ciidanka Asluubta S/Guud. Bashiir Maxamed Jaamac iyo saraakiil kale ayaa maanta kormeer ku tagay kuliyadda Jaalle Siyaad oo xarun u ah ciidamada Burundi ee qaybta ka ah howl-galka AMISOM ee Soomaaliya.

4/17/2018 12:08 PM EST
Talaado, April, 17, 2018 (HOL)–Alla ha u naxariistee Maxamed Cabdilaahi oo watay gaari nooca loo yaqaan Candho Maydle ayaa Dooxa Aw Barkhadle ee u dhexeeya Hargeysa iyo Berbera ku qaaday kaddib markii daadad waaweyn ku soo rogmadeen.

4/17/2018 9:13 AM EST
Talaado, April, 17, 2018 (HOL)–Khuburo dhanka kiimikooyinka ah ayaa loo ogolaan doonaa in ay booqdaan goobtii la sheegay in uu weerarka kiimikada ah ka dhacay Arbacadii, sida ay dawladda Ruushku sheegtay.

4/17/2018 5:15 AM EST
Talaado, April,17,2018 (HOL)–Danjiraha a Midowga Africa u fadhiya Soomaaliya ayaa isniintii ku dhawaaqay dadaaalo adag oo ladoonayo in looga hortago qatarta wax-yaabaha qarxa ee ku wajahan ciidamadda amaanka iyo shacabka Somaaliyeed intaba.

4/17/2018 4:19 AM EST
Talaado, April, 17, 2018 (HOL)–Xukuumada Qadar ayaa maanta Gaadiid ku wareejisay maamulka gobolka Banaadir si loo dardargeliso howlaha ka socda dowladda Hoose ee Xamar.

4/17/2018 3:29 AM EST
Talaado, April, 17, 2018 (HOL)–Sida lagu shaaciyay qaar ka mid ah warbaahinta dowladda Isreal ayaa ka sii deysay xabsi ku yaala magaalada Saxaronim ee Koonfurta Israel shalay oo Isniin aheyd 200 oo Muhaarijiin ah, kuwaasi oo ka soo kala jeeda qaarada Africa.

4/17/2018 2:35 AM EST
Talaado,April,17,2018 (HOL)-Maxkamad ku taallo Magaalada Miami ee gobolka Florida, ayaa 27-ka bishaan April lagu wadaa iney go’aan ka gaarto 52 maxaabiis Soomaaliyeed ah oo ku xiran labo xabsi oo ku yaallo magaaladaas.

4/17/2018 12:36 AM EST
Talaado, April, 17, 2018 (HOL) - Taliska ciidamada militariga dowladda Soomaaliya ayaa waxba kama jiraan ku tilmaamay warar saacadihii ugu danbeeyay soo baxayay oo sheegaya in ciidamo ka tirsan dowladda Soomaaliya boobeen agabkii yaala dugsiga Jen Gordan oo ay maamulaan Imaaaraadku.

4/17/2018 12:24 AM EST
Talaado, April, 17, 2018 (HOL)-Madaxweynaha dowlad gobolleedka Puntland Cabdiwali Maxamed Cali Gaas ayaa sheegay in lacagtii todobaadkii hore dowlada Soomaaliya ay ku qabatay garoonka diyaaradaha Muqdisho qeyb ka mid ah Imaaraadku ugu talagaleen ciidamada ku sugan deegaannada Puntland oo ay tababaraan.