Natiijada doorashada mid ka mid ah kuraasta Golaha Shacabka oo lagu qabtay Dhuusa-Mareeb
Axad, April, 15, 2018 (HOL)–Wasiiru Dowlaha Arrimaha Gudaha
Dowlada Federalka Soomaaliya Cabdullahi
Faarax Wehliye ayaa ku guuleystay doorashada Kursiga xildhibaanimo ee golaha
Shacabka, taasoo Maanta ka dhacday magaalada Dhuusa-mareeb ee gobolka
Galgaduud.
Amaanka xarunta Doorashada ayaa si
weyn loo adkeeyay, waxaana dhammaan xarunta joogay Ergadii Doorashadda iyadoo
ay doorashadu ku socotay si nidaam ah.
Kursigan Xildhibaanimada ee maanta loo taretamayay ayaa waxaa horay uga
geeriyooday AUN Xildhibaanada Bootaan Ciise Caalin, waxaana u tartamayay saddex
musharax oo kala ahaa C/llaahi Faarax Wehliye, Wasiiru Dowlaha Arrimaha Gudaha
ee DFS iyo Maxamed Cilmi Afrax Mideeye iyo sidoo kale Cabdulle Faarax Xirsi.
Cabdullahi Faarax Wehliye ayaa helay codod dhan 28 cod, halka Musharax kale
Maxamed Cilmi Afrax Mideeye uu helay 17 cod, Cabdulle Faarax Xirsi ayaa isna
helay 3 cod, waxaana xumaaday 3 cod.
Guddiga Doorashooyinka ayaa ku dhawaaqay in uu guulaystay Xildhibaan Cabdullahi
Faarax Wehliye Wasiir Dowlaha Wasaaradda Arrimaha Gudaha.
Ilyaas Axmed Cilmi, Hiiraan Online
Mogadishu, Somalia
